Usynylǵan 306 kınojobanyń ishinen 48 joba irikteldi.
7-11 qyrkúıek aralyǵynda Almaty qalasynda 7th BAIQONYR International Short Film Festival ótedi, dep habarlaıdy Almaty-akshamy.kz
Baiqonyr - Qazaqstannyń shyǵarmashyl jastaryn halyqaralyq deńgeıde ilgeriletýge turaqty qoldaý kórsetip kele jatqan elimizdegi alǵashqy qysqametrajdy halyqaralyq kınofestıval.
Alty jyl ishinde Baiqonyr-ǵa 11 myńnan astam kórermen keldi, olar 240-tan astam fılmdi tamashalady. İrikteý komısıasy 1168 ótinimdi qarady, al festıváldiń qazylar alqasy 62 laýreatty marapattady. Festıválde jeti jyl boıy otandyq kınematograftyń jańa esimderi anyqtalyp keledi.
Bıyl festıvál osy jyldyń kópten kútken fılmderiniń biri - aty ańyzǵa aınalǵan «DOS-MUQASAN» ansambliniń qurylý tarıhyn baıandaıtyn «Dos-Muqasan» (rejıser Aıdyn Sahaman, «Aray Media Group» shyǵarǵan) fılminiń premerasymen ashylady. Al festıváldiń jabylýynda Darejan Ómirbaevtyń «SOŃǴY SEANS» atty kartınasy kórsetiledi, onyń álemdik premerasy jaqynda ǵana shveısarıanyń Lokarno qalasynda ótken bedeldi kınofestıvalde kórsetildi.
Aldaǵy festıváldiń baǵdarlamasy úsh konkýrstan turady – ulttyq (kórkem jáne derekti qysqa metrajdy fılmder), halyqaralyq (kórkem jáne derekti qysqa metrajdy fılmder) jáne anımasıalyq.
«Usynylǵan 306 kınojobanyń ishinen kınotanýshylar Erjan Jumabekov, Eńlik Egeýbaeva, Aqerke Qamashbek, rejıser Raıymbek Áljanov jáne rejıser-anımator Ivan Ardashovtan turatyn bizdiń baǵdarlamalyq qyzmet festıválge qatysý úshin 48 jobany iriktep aldy. Sondaı-aq bıyl festıválge Qyrǵyzstannan kelgen «Ekspedısıa» qozǵalysy qatysady. Bul qazirgi zamandastary, qarapaıym adamdar, olardyń problemalary men armandary týraly qysqa metrajdy fılmder túsiretin ártúrli rejıserler toby. Qozǵalysqa 50-ge jýyq jas rejıser qatysady», - deıdi kınofestıval prezıdenti Ánýar Kenjebaev.
Dástúrli túrde Baiqonyr festıvaliniń uıymdastyrýshysy elimizdiń jetekshi kınoportaly – «Brodveı» (brod.kz). Festıváldiń negizgi alańy – «Arman» kınoortalyǵy.
Festıvál TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótedi. Aqparattyq qoldaýdy «Kazakh Tourism» ulttyq kompanıasy» AQ kórsetedi.
Festıváldiń aqparattyq seriktesteri «Habar» jáne El Arna telearnalary, «Juldyz FM» jáne «Eldoradıo Almaty» radıostansıalary, Tengrinews.kz, Massaget.kz, Baribar.kz, 365 Info.kz, «Ekspress K» ınternet portaldary, Egemen Qazaqstan, «Kazahstanskaıa pravda», Almaty Aqshamy, «Vechernıı Almaty» jáne «Komsomolskaıa pravda Kazahstan» basylymdary.