Almatyda qys qarsańynda 25-30 qarasha aralyǵynda aýqymdy tazalaý jumystary júrgiziledi, dep habarlaıdy aqshamnews.kz
«Taza Qazaqstan» jalpy respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda kóshe-jol jelisin, jalpyǵa qoljetimdi oryndardy, ózen arnalaryn, kóshe ýrnalaryn jáne aryq jelisin aýqymdy tazalaý júrgiziledi, sondaı-aq ınjenerlik jeliler qurylysy júrgizilgen joldardy ortasha jóndeý jáne ýchaskelerdi asfálttaý jumystary aıaqtalady.
Tazalyq aptalyǵy aıasynda qalalyq komýnaldyq qyzmetter qalany sýyq aýa raıy men qardyń túsýine daıyndaýdy aıaqtaıdy. Qysqy kezeńde qalaǵa qyzmet kórsetý úshin 841 birlik tehnıka men 1 400 jol jumysshysy tartylatyn bolady. Jumystardy tıimdi júrgizý úshin «Almaty tazalyq» MKK avtoparki 32 zamanaýı mashınamen tolyqtyryldy. Sanıtarlyq tazalaý jalpy aýdany 25,1 mln m2 jáne uzyndyǵy 2 777 km 2 318 kósheni qamtıdy. Kóshe-jol jelisin tazalaý 10 merdiger uıymnyń kúshimen júzege asyrylady.
Uzyndyǵy 1 525 km qalanyń aryq jelisin tazartýǵa erekshe nazar aýdarylatyn bolady. Kún saıyn 80 birlik tehnıka men 320 jumysshy aryq jelisinen shamamen 160 tekshe metr smetany, laı men qoqysty shyǵarady. Shyǵaryndylar negizinen plasıkten jáne japyraqtardan turady.
«Eco Almaty» JSHS ál - Farabı dańǵylynan Sátpaev kóshesine deıingi ýchaskedegi Úlken Almaty ózenderiniń arnalaryn, ál -Farabı dańǵylynan Shevchenko kóshesine deıingi ýchaskedegi Esentaı ózenin, sondaı-aq uzyndyǵy 19,2 km Almaty qalasy shegindegi D. Qonaev atyndaǵy ÚAK tazalaý jumystary júrgiziledi. Kásiporyn qyzmetkerleri ózen arnalaryn laı, qoqystardan tazartady jáne shópterdi shabady.
Sondaı-aq, 30 qarashaǵa deıin uzyndyǵy 3 km 5 ýchaskedegi joldardy ortasha jóndeý jáne ınjenerlik jeliler qurylysy júrgizilgen ýchaskelerdi asfálttaý jumystary aıaqtalady.
Bıylǵy jyly joldardyń ortasha jóndeýimen uzyndyǵy 223,4 km 255 kóshe qamtyldy.Sondaı-aq, qala ákiminiń tapsyrmasy boıynsha 22 nysanda 20 km jylý jelileri qaıta jańartyldy, onyń 18-de abattandyrý jumystary tolyq aıaqtaldy, qalǵan 4-inde 30 qarashaǵa deıin Tazalyq aptalyǵy aıasynda aıaqtalatyn bolady.
Budan basqa, búginde 2 myńǵa jýyq kásipker abattandyrý pasportyna qol qoıdy. Bıznes sýbektilerine abattandyrý pasporttaryn tapsyrý "Taza Qazaqstan" baǵdarlamasy jáne Almaty qalasyn abattandyrýdyń jańa qaǵıdalary aıasynda júzege asyrylady. Bul qadamdar almatylyqtar men qala qonaqtary úshin qolaıly, qaýipsiz jáne ekologıalyq jaǵdaı jasaý strategıasynyń bir bóligi bolyp tabylady.
Almatyda barlyǵy 6 myńnan astam nysan pasporttaýǵa jatady. Abattandyrý pasportyna eki tarap – aýdan ákimdigi men kásipker qol qoıady, bul rásimdi barynsha ashyq etedi. Pasporttaý prosesi 2025 jyldyń sáýir aıynda aıaqtalady dep josparlanýda.