Bul týraly Óńirlik komýnıkasıalar qyzmetinde ótken brıfıńke Almaty qalasynyń komýnaldyq ınfraqurylymdy damytý basqarmasy basshysynyń orynbasary Dýlat Áshkenov aıtty.
Spıkerdiń aıtýynsha, alǵashqy jaýǵan qar komýnaldyq qyzmetterdiń qys maýysymyna daıyn ekenin, mobıldi toptardyń kúndelikti kezekshilik júrgizip otyrǵanyn kórsetti, dep habarlaıdy Almaty-akshamy.kz.
Joldardy qysta kútip ustaý jumystary kúzde bastalatynyn aıta ketken jón. Ol megapolıs joldarynda qysqy ýaqytta kólikterdiń úzdiksiz jáne qaýipsiz qozǵalysyn qamtamasyz etýge baǵyttalǵan. Búginde Almatynyń komýnaldyq qyzmetteri tehnıkamen, materıaldarmen, tájirıbeli jol jumysshylarymen tolyq qamtamasyz etilgen.
«Kóshe joldary jelisin kútip ustaýmen 10 merdiger aınalysady. Kóshelerdi kútip ustaý kóshelerdiń mańyzdy úsh dárejesi boıynsha júzege asyrylady: qalalyq mańyzy bar kósheler (bas kósheler), aýdandyq mańyzy bar kósheler jáne jergilikti mańyzdaǵy kósheler. Osyǵan sáıkes, qala kóshelerinde kúnine keminde eki ret, aýdan kóshelerinde kúnine bir ret jáne jergilikti kóshelerde aptasyna keminde bir ret tazalyq jumystary júrgizilýde. Biraq bul jolshylar munymen shekteledi degendi bildirmeıdi, jaǵdaı men aýa raıyna baılanysty kólik qozǵalysyn úzdiksiz qamtamasyz etý boıynsha jumystar júrgizilýde», - dedi D.Áshkenov.
Máselen, jazda 1000-nan astam arnaıy tehnıka kómegimen Almaty qalasynyń kóshelerinen 90 tonnadan astam qoqys shyǵarylady, qysta qar shyǵarylyp, kóktaıǵaqpen kúresedi.
«Joldy kútip ustaý» uǵymy qysta joldy qardan tazartýdan bastap, muzdan qum-tuz qospasyn sebýge deıin jáne t.b. jol jumysynyń keń aýqymyn qamtıdy.
«Almaty tazalyq» kásiporny 100 paıyz daıyn. Polısıa departamentimen birlese otyryp, qardan tazartý kezinde qozǵalys syzbalary pysyqtalýda.
«Alǵashqy qar daıyndyqtyń sátti ótkenin kórsetti, negizgi tapsyrmalardy merdigerler oryndady», - dep qosty ÓKQ spıkeri.
Almaty qalalyq komýnaldyq ınfraqurylymdy damytý basqarmasy basshysynyń orynbasary Dýlat Áshkenov jol tazalaýshy jumysshylarǵa úlken jaýapkershilik júkteletin jumystyń sheshýshi kezeńine aıaq basyp otyrǵandaryn atap ótti.
«Ol úshin kúz maýsymy aıaqtalǵannan beri ótken birneshe aıdyń ishinde biz osy jaýapty kezeńge daıyndalý maqsatynda óz jumysymyzdy josparlap jatyrmyz», - dedi ol.