44 naýqas ish qýysynyń últradybystyq dıagnostıkasynan ótti.
Ótken senbide Almaty onkologıalyq ortalyǵynda ókpe, asqazan, uıqy bezi, qýyq asty bezi qaterli isiginiń aldyn alý jáne erte anyqtaý boıynsha Ashyq esik kúni ótti, dep habarlaıdy Almaty-akshamy.kz.
Atalǵan shara aıasynda keýde jáne qursaq qýysynyń qaterli isigine kúdikpen 23 adam kompúterlik tomografıaǵa jiberildi.
44 naýqas ish qýysynyń últradybystyq dıagnostıkasynan ótti.
Mundaı is-sharalar qoǵamnyń nazaryn onkologıalyq aýrýlar problemasyna aýdarý úshin, onkologıalyq qyraǵylyq pen halyqtyń onkologıalyq aýrýlardyń aldyn alý jáne erte anyqtaý, skrınıngtik baǵdarlamalarǵa qatysýdyń mańyzdylyǵy týraly habardar etý maqsatynda ótkiziledi.
Ortalyq onkologtary qaterli isik erte satysynda anyqtalsa, 95% derlik jaǵdaıda emdeýdiń joǵary nátıjesine qol jetkizýge bolatynyn qaıtalaýdan jalyqpaıdy.
