Almaty polıseıleri alkogól ónimderin satý salasyndaǵy quqyq buzýshylyqtardyń jolyn kesý maqsatynda profılaktıkalyq is-sharalar júrgizýde, dep habarlaıdy Almaty-akshamy.kz.
Polisia.kz aqparatyna sáıkes, qalada jyl basynan beri ýchaskelik ınspektorlar kásipkerlik sýbektileri tarapynan osy baǵyttaǵy 161 zań buzýshylyqty anyqtaǵan.
«Taldaýǵa sáıkes, qylmystyń úshten bir bóligi alkogóldi ishimdikterdi birlesip ishý saldarynan jasalǵanyn aıta ketken jón. Osyǵan oraı, kásipkerlik sýbektilerinen Zań talaptaryn múltiksiz oryndaýdy, atap aıtqanda, alkogól ónimderin 23:00-den bastap kelesi kúnniń 08:00-ge deıin, al etıl spırtiniń kólemdik úlesi 30%-dan asatyn alkogóldik ónimderdi 21:00-den bastap kelesi kúnniń 12:00-ne deıin satpaýdy talap etemiz. Sondaı-aq 21 jasqa tolmaǵandarǵa alkogóldik ishimdikterdi satýǵa tyıym salynǵanyn esterińizge salamyz», – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Dıas Dýanbekov.