Almatyda qylmystyq ahýal turaqty.
Almatyda qylmys 34 paıyzǵa azaıdy. Mundaı málimetterdi elimizdiń iri shaharynyń polıseıleri PD qyzmeti men bólimsheleriniń aǵymdaǵy jyldyń 6 aıyndaǵy jumysynyń qorytyndysyn shyǵara otyryp, keltirip otyr, dep habarlaıdy Almaty-akshamy.kz Polisia.kz-ke silteme jasap.
Myna qylmystardyń sany azaıdy: – asa aýyr qylmys sany – 2,5 ese; – aýyr qylmys – 40,1%-ǵa; – kisi óltirý – 7,5 ese; – qaraqshylyq shabýyldar – 2,3 ese; – adam densaýlyǵyna aýyr zıan keltirý – 30,1%-ǵa, onyń ishinde ólimge ákep soqqan derekter – 27,8%-ǵa; – zorlaý – 2,2 ese; – ınternet-alaıaqtyq – 13,6%-ǵa; – tonaý – 11,8%-ǵa; – bótenniń múlkin urlaý – 44,0%-ǵa; – buzaqylyq – 7,8 ese; – alaıaqtyq – 16,1%-ǵa; – mas kúıinde jasalǵan qylmys sany – 21,0%-ǵa; qoǵamdyq oryndarda jasalatyn quqyq buzýshylyqtar sany – 6,2%-ǵa, onyń ishinde kóshede jasalǵan quqyq buzýshylyqtar 26,5%-ǵa azaıdy.