Bıyl qarashada Almatyda qurylysy uzaqqa sozylǵan nysandardy jospardan tys tekserý bastaldy. Bul týraly qala qurylysyn baqylaý basqarmasy málimdedi, dep habarlaıdy almaty-akshamy.kz.
Bul turǵyndardyń ótinishi boıynsha bastalady – almatylyqtardy adam ómirine qaýip tóndiretin saqaldy qurylystar mazalaıdy. Aıaqsyz qalǵan nysandar kóbinese balalardyń oıyn alańyna aınalady.
Tekseris nátıjesinde anyqtalǵan buzýshylyqtardy joıýǵa uıǵarym beriletini jáne qajet bolǵan jaǵdaıda ony májbúrlep oryndaýǵa sotqa talap-aryzdar jiberiletini habarlanady. Bul rette, azamattardyń ómiri men densaýlyǵyna qater tóndiretin nysandardyń jaı-kúıi jaıly saraptama qorytyndysy bolsa, saǵyzsha sozylǵan qurylysty buzýǵa bolady.
Qurylys normasyna sáıkes, nysandy salý jumystary toqtatylǵan nemese 6 aıdan astam merzimge sozylǵan kezde nysan konservasıalanýy qajet. Iaǵnı, qurylys úshin paıdalanylǵan nysan men aýmaq negizgi qurylymdardyń beriktigin, turaqtylyǵyn jáne saqtalýyn qamtamasyz etetin kúıge keltirilýi kerek. Nysan halyq pen qorshaǵan orta úshin qaýipsiz bolýy kerek. Konservasıalaý kezinde qurylys salýshy (tapsyrys berýshi) nemese ýákilettik bergen uıym bul jumysty qamtamasyz etedi. Bul rette, alańnyń qorshaýynda min bolmaýy kerek, alańǵa ótetin joldar men ótpeler jabyq bolýǵa tıis.
Qalada 1988 jyldan bastap konservasıalanǵan 17 qurylys nysany bar:
1. Halyqqa qyzmet kórsetý nysany bar qonaq úı salý.
Almaly aýdany, Qojamqulov kóshesi, 213
Tapsyrys berýshi: «MELROY GROUP» JSHS
Tehnıkalyq jaǵdaıy: QMJ 2016 jyly bastalyp, 2018 jyly toqtatyldy.;
2. Ǵımaratty rekonstrýksıalaý. Almaly aýdany, Panfılov kóshesi, 156
Menshik ıesi: jeke tulǵa
Tehnıkalyq jaǵdaıy: QMJ 2015 jyly bastalyp, 2015 jyly toqtatyldy.;
3. 8 qabatty ákimshilik ǵımaratynyń qurylysy. Almaly aýdany, Amangeldi kóshesi, 52 Tóle bı kóshesiniń qıylysy
Tapsyrys berýshi: «Almatygorremstroı» AQ
Tehnıkalyq jaǵdaıy: QMJ 2000 jyly 9-qabat deńgeıinde toqtatyldy;
4. Bıznes ortalyqtyń qurylysy. Almaly aýdany, Abaı dańǵylynyń ońtústigi, Tilendıev kóshesiniń batysy
Tapsyrys berýshi: «Qýat korporasıasy» AQ
Tehnıkalyq jaǵdaıy: QMJ 2006 jyly bastaldy, 2008 jyly 10-qabat deńgeıinde toqtatyldy;
5. 170 oryndyq jataqhana salý. Almaly aýdany, Masanchı kóshesiniń batysy, Jambyl kóshesiniń soltústigi.
Tapsyrys berýshi: «A.V.Seleznev atyndaǵy Almaty horeografıalyq ýchılıshesi» RMK
Tehnıkalyq jaǵdaıy: QMJ 2014 jyly bastalyp, 2-qabat deńgeıinde toqtatyldy;
6. Zerthanalyq-klınıkalyq korpýsty keńeıtý. Almaly aýdany, Sháripov kóshesiniń batysy, Qurmanǵazy kóshesiniń ońtústigi
Tapsyrys berýshi: QR Densaýlyq saqtaý mınıstrligi
Tehnıkalyq jaǵdaıy: QMJ 1983 jyly bastalyp, 1988 jyly toqtatyldy;
7. Qyzmet kórsetý nysany jáne jerasty parkıngi bar nysan. Bostandyq aýdany, Sátbaev 29G
Tapsyrys berýshi: «RAMÝT» JSHS («Esentay Stroy» JSHS)
Tehnıkalyq jaǵdaıy: QMJ 2014 jyly bastalyp, 2016 jyly 1-qabat deńgeıinde toqtatyldy;
8. Halyqqa qyzmet kórsetetin ǵımarat salý. Bostandyq aýdany, Gagarın dańǵyly, 270
Tapsyrys berýshi: jeke tulǵa
Tehnıkalyq jaǵdaıy: QMJ 2015 jyly bastalyp, 2016 jyly 3-qabat deńgeıinde toqtatyldy;
9. Kópfýnksıonaldy turǵyn úı kesheniniń qurylysy. Bostandyq aýdany, Tımırázev kóshesiniń ońtústigi, Seıfýllın dańǵylynyń shyǵysy
Tapsyrys berýshi: «Menessa» JSHS.
Tehnıkalyq jaǵdaıy: QMJ 2022 jyly bastalyp, 2023 jyly shuńqyr deńgeıinde toqtatyldy;
10. Kópfýnksıonaldy turǵyn úı kesheniniń qurylysy. Medeý aýdany, Dostyq dańǵ.shyǵ, Núton k-niń ońt.
Tapsyrys berýshi: jeke tulǵa
Tehnıkalyq jaǵdaıy: QMJ 2005 jyly bastalyp, 2007 jyldan bastap árleý jumystary satysynda toqtatyldy;
11. Turǵyn úı kesheniniń qurylysy. Medeý aýdany, «Gornyı gıgant» ÁKK, Dostyq dańǵyly batysy.
Tapsyrys berýshi: «Cargo Rich Soul Group» JSHS
Tehnıkalyq jaǵdaıy: QMJ 2015 jyly bastalyp, 2016 jyldan bastap 1-qabat deńgeıinde toqtatyldy;
12. Bes qabatty parkıng salý. Medeý aýdany, Ál-Farabı solt, Meńdiqulov kóshesi bat.
Tapsyrys berýshi: «Sert» AQ
Tehnıkalyq jaǵdaıy: QMJ 2007 jyly bastalyp, 2009 jyldan bastap 2-qabat deńgeıinde toqtatyldy;
13. Jazǵy saıabaǵy bar meıramhana kesheniniń qurylysy. Medeý aýdany, Gornaıa kóshesi, «Samal» meıramhanasynyń ońt-bat., Medeýge barar jolda
Tapsyrys berýshi: «İle Korporasıasy» JSHS
Tehnıkalyq jaǵdaıy: QMJ 2012 jyly bastalyp, 2013 jyldan bastap 2-qabat deńgeıinde toqtatyldy;
14. Álemdik deńgeıdegi kolejdiń 1-kezeginiń qurylysy. Medeý aýdany, Alataý kenti, ITP AEA
Tapsyrys berýshi: «Almaty» ÁKK» AQ, (buryn - Astana q. «Kásipqor Holdıńi» komersıalyq emes aksıonerlik qoǵamy)
Tehnıkalyq jaǵdaıy: QMJ 2014 jyly bastaldy, 2015 jyldan bastap 2,6 qabat deńgeıinde toqtatyldy;
15. Ǵylymı-zertteý ortalyǵynyń qurylysy. Medeý aýdany, Ibragımov kóshesi, 9
Tapsyrys berýshi: «Inovasıalyq jáne aqparattyq tehnologıalar ortalyǵy» JSHS, quryltaıshysy – «Nursultan Nazarbaevtyń bilim berý qory» QQ
Tehnıkalyq jaǵdaıy: QMJ 2014 jyly bastalyp, 3,5 qabat deńgeıinde toqtatyldy;
16. Qoldanystaǵy 125 oryndyq ǵımaratqa qosymsha qurylys. Medeý aýdany, Gornaıa 440
Tapsyrys berýshi: «Balbulaq» respýblıkalyq balalardy ońaltý ortalyǵy» RMK
Tehnıkalyq jaǵdaıy: QMJ 2006 jyly bastaldy, 2008 jyly 1-qabat deńgeıinde toqtatyldy.;
17. Áskerı garnızonda 120 páterlik 2 turǵyn úıdiń kúrdeli qurylysy. Túrksib aýdany, Krasnogorskaıa kóshesi, 52/1, 52A.
Tapsyrys berýshi: QR Qarýly Kúshteriniń áskerlerdi páterge ornalastyrý bas basqarmasy
Tehnıkalyq jaǵdaıy: QMJ 2012 jyly bastalyp, 2014 jyly árleý jumystary satysynda toqtatyldy.
Almatynyń qala qurylysyn baqylaý basqarmasy tekseris jalǵasatynyn, onyń kelesi kezeńderi men nátıjesi týraly qosymsha habarlanatynyn atap ótti