Almatyda Qurylysshylar kúnine oraı qurylys salasynyń qyzmetkerlerine memlekettik nagradalar tabystaldy. Memleket basshysynyń atynan marapattardy Almaty qalasy ákiminiń orynbasary Beıbit Shahanov saltanatty túrde tapsyrdy.
Qazaqstan Respýblıkasy Prezıdentiniń 2025 jyly 6 tamyzdaǵy №953 Jarlyǵymen «Qurmet» ordeni «Renesans Konstrakshn Stroı» kompanıasynyń 5-razrádty armatýrshysy Jaras Jumaǵulov pen «SP NEFT» mekemesiniń dırektory Nurlan Qadyrbekovke berildi.
«Eńbek Dańqy» ordeniniń III dárejesi «AK Construction Company» mekemesiniń tas qalaýshylar brıgadasynyń tas qalaýshysy Jetpisbaı Naqysbekovke tabys etildi.
«Eren eńbegi úshin» medalimen «Global Construction kz» kompanıasynyń dánekerleýshisi Maqsat Aıǵanatov; «Almatybasjospar» seriktestiginiń qala qurylysy jobalaý bóliminiń bas jobalaýshysy Armen Atanesán; «Allians & Arena» kompanıasynyń tehnıkalyq qadaǵalaý ınjeneri Danıar Ahmetov; «BI Urban Construction» kompanıasynyń tehnıkalyq menedjeri Ǵabıt Dáýletbekov; «Dıal-Stroı» mekemesiniń bas dızaıneri Ásem Qasteeva; «KazSMU» seriktestiginiń betonshysy Ádilet Qatarbaev; «Kazstroıpodrád» kompanıasynyń qurylys ýchaskesiniń bastyǵy Jarylqasyn Moldashev marapattaldy.
Beıbit Shahanov Almatynyń damýy qurylysshylardyń qajyrly eńbeginsiz múmkin emestigin atap ótip, salaǵa qosqan eleýli úlesi úshin marapat ıelerine alǵys bildirdi.