Almatyda Qulja tas jolynda asfálttyń joǵarǵy qabaty tóseledi, osyǵan baılanysty eki táýlikke kólik qozǵalysy shekteledi, dep habarlaıdy aqshamnews.kz
Qulja tas jolynda Rysqulov dańǵylynan Buqtyrma kóshesine deıingi aýmaqtaǵy joldy qaıta jańartý jumystary aıaqtalýǵa jaqyn. Qalalyq mobıldilik basqarmasy 14 qyrkúıekte barlyq jolaq boıynsha kólik qozǵalysyn tolyǵymen ashýdy josparlap otyr.
Alaıda asfáltbeton tóseminiń joǵarǵy qabatyn tóseýge baılanysty kólik qozǵalysyna ýaqytsha shekteý engiziledi.
-
11 qyrkúıek saǵat 23:00-den 12 qyrkúıek saǵat 06:00-ge deıin jóndeý jumystary júrgiziletin aýmaqtyń batys jaǵynda qozǵalys jabylady. Oblystan qalaǵa kelgende bul jerdi Talǵar tas joly, Buqtyrma, Maılın jáne Prıkanalnaıa ÚAK kósheleri arqyly aınalyp ótýge bolady.
-
12 qyrkúıek saǵat 06:00-den 21:00-ge deıin shyǵys jaqpen jol júrýge bolady, sol jerde reversıvti qozǵalys uıymdastyrylady.
-
12 qyrkúıek saǵat 23:00-den 13 qyrkúıek saǵat 06:00-ge deıin jóndelip jatqan bóliktiń shyǵys jaǵynda qozǵalys jabylady. Qaladan oblysqa shyqqanda Talǵar tas joly, Rysqulov dańǵyly jáne Prıkanalnaıa ÚAK kósheleri arqyly aınalyp ótýge bolady.
-
13 qyrkúıek saǵat 06:00-den 14 qyrkúıek saǵat 06:00-ge deıin batys jaqpen júrýge bolady, ol jerde reversıvti qozǵalys uıymdastyrylady.
14 qyrkúıek saǵat 06:00-den bastap jol tolyqtaı ashylady, ár baǵytta 3 jolaq bolady.
Jóndelgen ýchaskede eki jaqty qozǵalys týraly eskertý belgileri ornatylady. Jolaqtar jaryq shaǵylystyrǵysh konýstarmen bólinedi.
Esterińizge sala keteıik, joba aıasynda uzyndyǵy 2,3 km ýchaskede jolaqtar sanyn 4-ten 6-ǵa deıin keńeıtý josparlanǵan. Bul ýchaskeniń ótkizý qabiletin eki esege arttyrýǵa múmkindik beredi. Sonymen qatar, jol jıekterine tosqaýyl qorshaýlary, jaryqtandyrý tirekteri ornatylady, al eki jaǵynan eni 2-den 3 metrge deıingi trotýarlar salý jumystary jalǵasady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde jarıalanǵan.