Almatyda qujaty joq 135 sheteldik azamat qabyldap-taratýǵa ornalastyryldy, – dep habarlaıdy Almaty-akshamy.kz.
“Ýchaske” jedel aldyn alý is-sharasy barysynda kóshi-qon qyzmeti zańsyz mıgranttardy anyqtaý úshin tekserý júrgizip jatyr.
– Tek sońǵy aptada jeke basyn kýálandyratyn qujaty joq 135 sheteldik azamat qabyldap-taratýǵa ornalastyryldy. Alys shetelderdiń 32 azamaty, onyń ishinde Túrkıanyń 13 azamaty jáne Afrıka qurlyǵy elderiniń 9 azamaty, sondaı-aq Qazaqstan Respýblıkasynyń halyqtyń kóshi-qony salasyndaǵy zańnamasyn buzǵan kórshiles elderden 179 sheteldik ákimshilik jaýapkershilikke tartyldy, – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.
Sonymen qatar spıkerdiń aıtýynsha, qazirdiń ózinde 27 sheteldik elden shyǵarylǵan.