Almatyda 2025 jyly qatty turmystyq qaldyqtardy jınaý ınfraqurylymyn modernızasıalaý aıaqtalady
Almatyda "Taza Qazaqstan" jalpy respýblıkalyq tujyrymdamasy aıasynda 2025 jyldyń sońyna qaraı qatty turmystyq qaldyqtardy jınaý ınfraqurylymyn tolyǵymen modernızasıalaý josparlanýda. Bul týraly qala ákimi Erbolat Dosaev 2025-2027 jyldarǵa arnalǵan megapolıs búdjetiniń jobasy qaralǵan qalalyq máslıhat sesıasy barysynda habarlady.
Aýqymdy joba 2012 jyly qurylǵan QTQ jınaý ınfraqurylymynyń ábden tozýyna baılanysty 2023 jyldan bastap iske asyrylýda. Basty maqsat-ekologıalyq jaǵdaıdy jaqsartý, qala turǵyndarynyń jaılylyǵyn arttyrý jáne sanıtarlyq tazalaýdyń zamanaýı standarttaryna sáıkestendirý.
"Máslıhat depýtattary 2024 jylǵy sáýirde bekitken QTQ shyǵarý jónindegi qyzmetterge arnalǵan jańa tarıftiń arqasynda qoqys shyǵaratyn uıymdar jalaqyny 30% - ǵa arttyryp, tehnıka parkin jańartýdy bastady. Bul keshendi sharalar kórsetiletin qyzmetterdiń sapasyn edáýir arttyrýǵa múmkindik beredi", - dedi qala ákimi.
Búginde qoqys tasıtyn kólikterdiń kúndelikti jelige shyǵý kórsetkishi 2023 jylǵy 70% - dan 2024 jyly 85% - ǵa deıin ósti, 2025 jyly 95% - ǵa deıin jetkiziletin bolady.
Búgingi tańda Almatyda 1 454 konteıner alańynda ornalasqan 8 003 konteıner qoldanylady. Modernızasıa aıasynda 3 tekshe metr tereńdiktegi konteınerler kóbeıtildi, bul jaǵymsyz ıisterdiń taralýyna jáne qustardyń nemese qańǵybas janýarlardyń qol jetimdiligine jol bermeıdi. 2023 jyly 42 alańda 214 konteıner ornatyldy, oǵan 600 mln teńge bólindi. 2024 jyly mundaı konteınerler sany 142 alańda 786 birlikke ulǵaıtyldy, oǵan 1,3 mlrd teńge bólindi. 2025 jyly 581 alańda taǵy 1683 konteıner ornatylady, bul 4,3 mlrd teńge kóleminde salymdardy talap etedi.
Sonymen qatar, 2024 jyly kólemi 1,1 tekshe metr bolatyn 1800 - plasıkalyq eýrokonteınerler satyp alyndy, 2025 jyly taǵy 1 000 osyndaı konteıner satyp alý josparlanýda. Osylaısha, 2025 jyly modernızasıalanǵan konteınerlik alańdardyń úlesi 100% - ǵa jetedi.
Bul sharalar qaldyqtardy jınaý tıimdiligin arttyryp qana qoımaı, qoqysty bólek jınaý jáne qaıta óńdeý qaǵıdattaryn odan ári engizý úshin jaǵdaı jasaýǵa múmkindik beredi. Qala turaqty damý bastamalaryna jáne halyqtyń ómir súrý sapasyn arttyrýǵa beıildiligin kórsetýdi jalǵastyrýda.