Almatyda merekelik konsert 29 tamyzda saǵat 19:00-de Abaı alańynda ótedi.
İs-sharaǵa «Muzart» jáne «Jigitter» toby, Qaırat Nurtas, Marhaba Sábı, Kalıfornıa, Yenlik, Ilhan Isqanov, Janar Duǵalova, Hey Monro jáne t.b. qazaqstandyq estrada juldyzdary qatysady. Qala qonaqtary men turǵyndary úshin sahna ekrandarynda taqyryptyq beıneleri bar 13 mýzykalyq nómir usynylady, dep habarlaıdy Almaty-akshamy.kz.
Eki kún boıy – 29-30 tamyz saǵat 20:00-de Abaı atyndaǵy QUOBT aldyndaǵy alańda, ashyq aspan aıasynda «Súıikti qaladaǵy jazǵy áýen» festıvali ótedi. İs-shara QR Konstıtýsıasy kúnine jáne Abaı atyndaǵy QUOBT-nyń 90-shy mereıtoılyq teatr maýsymynyń ashylýyna oraılastyryldy. Qala turǵyndary úshin Abaı atyndaǵy QUOBT opera jáne balettiń jetekshi solıseri, hor ártisteri, sımfonıalyq orkestri óner kórsetedi.
30 tamyzda saǵat 14:00-de Kóktóbede «Almaty áýenderi» KMQK shyǵarmashylyq ujymynyń, qazaqstandyq estrada juldyzdarynyń qatysýymen Konstıtýsıa kúnine oraı merekelik konsert ótedi.
Buǵan qosa, merekelik is-sharalar qalanyń barlyq aýdanynda ótedi:
- Alataý aýdanynda Konstıtýsıa kúnine arnalǵan konsert 29 tamyzda saǵat 16:00-de Atletıkalyq aýyl aýmaǵynda ótedi
- Bostandyq aýdanynda Konstıtýsıa kúnine arnalǵan merekelik konsert 29 tamyzda saǵat 17:00-de MEGA Alma-Ata SOO amfıteatrynda ótedi
- Túrksib aýdanynda qazaqstandyq juldyzdar men kórkem ansámblderdiń qatysýymen merekelik baǵdarlama 29 tamyzda saǵat 18:00-de Seıfýllın dańǵyly, 13/1 boıynsha №6 oqýshylar úıiniń aýmaǵynda ótedi. Aýdandyq merekede tý saltanatty túrde alyp shyǵarylyp, ánuran oryndalady, 16 jastaǵy azamattarǵa jeke kýálikterdi tabystalyp, utys oıyndary men baıqaýlar uıymdastyrylyp, ashyq aspan astynda kıno kórsetiledi.
- Jetisý aýdanynda Konstıtýsıa kúnine oraı saltanatty konsert 29 tamyzda saǵat 19:00-de «Gúlder» saıabaǵynda, Serikov kóshesi, 2a
- Medeý aýdanynda Konstıtýsıa kúnine arnalǵan merekelik konsert 30 tamyzda saǵat 12:00-de Ortalyq mádenıet jáne demalys saıabaǵynda, Gogol kóshesi, 1-de ótedi
- Almaly aýdanynda konsert 30 tamyzda saǵat 17:00-de Seıfýllın dańǵyly, 483 mekenjaıy boıynsha Mega Park SOO aýmaǵynda ótedi
Budan buryn habarlanǵandaı, 29 tamyz kúni Áýezov jáne Naýryzbaı aýdanynda merekelik konsert ótti.