Almatyda eki azamat páterdi jalǵa beremin, kólik satamyn degen jalǵan habarlandyrýlardy ornalastyrǵan.
Almaty qalasy Almaly aýdanynyń polısıa qyzmetkerleri eki jas kúdiktini ustady, dep habarlaıdy Almaty-akshamy.kz.Polisia.kz-ke silteme jasap.
«Aldyn ala boljam boıynsha, Jambyl oblysynyń 19 jáne 20 jastaǵy turǵyndary aldaýdyń “qarapaıym” tizbegin jasaǵanymen, jaqsy tabys tapqan. Jastar saıtta páter jalǵa beremiz, kólikti naryqtan tómen baǵaǵa satamyz degen jalǵan habarlandyrýlar ornalastyrǵan. Sodan keıin bank kartasyna aldyn ala tólem jasaýdy suraǵan. Alaıda aqshany alǵannan keıin olar baılanysqa shyǵýyn toqtatqan. Jedel izdestirý is-sharalary barysynda kúdiktiler ustaldy. Tergeýdiń osy kezeńinde olardyń 25 alaıaqtyq iske qatystylyǵy anyqtaldy. Olarǵa qatysty sotqa deıingi tergeýdiń biryńǵaı tizilimine QR QK-niń 190-baby 2-bóligi boıynsha qylmystyq is tirkeldi. Sondaı-aq ustalǵandardan abonenttik nómirleri men onlaın kartalaryna kirý múmkindigi bar eki telefon tárkilendi», – dedi Almaly aýdandyq polısıa basqarmasynyń bastyǵy Esen Ysqaqov.
Qazir kúdiktiler ýaqytsha ustaý ızolátoryna qamaldy. Jedel ýákilder aldanǵandardyń odan da kóp bolýy múmkin ekenin joqqa shyǵarmaıdy. Sondyqtan olar ustalǵandardyń sýretterin muqıat qarap, olardy tanyǵan jaǵdaıda myna telefon nómirlerine habarlasýǵa shaqyrady: 8-705-555-77-63; 8-775-747-77-78; 8-778-481-19-00; 8-708-707-92-02. Almaty qalasy PD. Qylmystyq istiń basqa da mán-jaılary QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıtynyn habarlaıdy.