Qalada 800 qoqys alańy jańartylady.
Almatyda qoqys alańdarynda erejelerdiń saqtalýyn baqylaý jáne buzýshylardy anyqtaý úshin vıdeobaqylaý kameralary ornatylady, dep habarlaıdy aqshamnews.kz
Almatyda kelesi jyly 800 qoqys alańy jańartylady. Bul týraly megapolıs ákimi Erbolat Dosaev jumys sapary barysynda jáne Bostandyq aýdanynyń turǵyndarymen kezdesý kezinde habarlady.
«Kelesi jyly qoqys alańdaryn jańǵyrtý josparlanýda. Biz olardy retke keltiremiz. Juma kúninen bastap demalys kúnderi jaǵdaı kúrdelene túsetinin jáne alańdar qoqysqa tolyp jatqanyn bilemin», - dedi Erbolat Dosaev halyqpen kezdesý kezinde.
Barlyǵy 800 qoqys alańyn jańartý josparlanýda. Erbolat Dosaev qala turǵyndaryna úlken kólemdegi qoqystardy tastamaý kerektigin eskertti.
«Biz bul úshin qatań jaza bolatynyn jańa erejelerde bekittik. Sondaı-aq, qoqys alańdaryna kameralar ornatamyz. Bul bizge quqyq buzýshylardy tez anyqtaýǵa múmkindik beredi. Kelesi jyly biz alǵashqy 400 kamerany iske qosamyz», - dedi ákim.
Komýnaldyq qaldyqtardy basqarý qaǵıdalaryna sáıkes jyljymaıtyn obektilerdi salýdy jáne (nemese) jóndeýdi júzege asyratyn jeke jáne zańdy tulǵalar qurylys jáne iri gabarıtti qaldyqtardy (jıhaz, turmystyq tehnıka) arnaıy bólingen oryndarǵa derbes áketýdi júrgizýi nemese qoqysty aqy tóleý arqyly mamandandyrylǵan uıymdarǵa júginýi ne ony ózderi Almaty oblysynyń İle jáne Qarasaı aýdandarynda ornalasqan polıgondarǵa jetkizýleri tıis.