Jalynǵa oranǵan qoıma qalanyń Alataý aýdanynda ornalasqan.
Turar Rysqulov dańǵyly men Nemırovıch-Danchenko kóshesiniń qıylysyndaǵy zat saqtaıtyn qoımadan órt shyqty, dep habarlaıdy Almaty-akshamy.kz qalalyq TJD-ǵa silteme jasap.
Órttiń vıdeosy áleýmettik jelide taraǵan. Almatynyń TJD-niń baspasóz qyzmetiniń habarlaýynsha, 4 tamyz kúni saǵat 09:39-da órt sóndirý toby Alataý aýdanyndaǵy órt týraly habarǵa shaqyrý boıynsha Nemırovıch-Danchenko 21 mekenjaıǵa barǵan.
«Órt sóndirýshiler kelgen kezde angar tárizdi qoıma janyp jatty, órttiń kórshi qoımalarǵa ótý qaýpi týdy. Dereý órt oqpandary engizildi, gıdranttarǵa avtosısternalar ornatyldy. Órt ornynda shtab quryldy, shyǵys jáne ońtústik jaqtardan eki áskerı ýchaske jasaqtaldy», - dep málimdedi TJD.