Oqýǵa Almaty, Shyǵys Qazaqstan, Qaraǵandy jáne Túrkistan oblystarynan, sondaı-aq Almaty jáne Shymkent qalalarynan 104 maman qatysty.
Úsh kúndik trenıńti onlaın túrde 2 ulttyq sarapshy-jattyqtyrýshy, QMMÝ qaýymdastyrylǵan profesorlary Larısa Masıevskaıa men Anna Knaýs ótkizdi, dep habarlaıdy Almaty-akshamy.kz QR Eńbekmıniniń baspasóz qyzmetine silteme jasap.
QR Eńbek jáne halyqty áleýmettik qorǵaý mınıstrligi jáne BUU Balalar qory (IýNISEF) áleýmettik qorǵaý jáne densaýlyq saqtaý salasynyń mamandaryna AITV jáne basqa da sozylmaly aýrýlarmen (BSSA, aýtızm, qant dıabeti) ómir súretin balalary/jasóspirimderi bar otbasylarǵa psıhoáleýmettik súıemeldeý qyzmetterin kórsetý boıynsha trenıń ótkizdi.
«Trenıń maqsaty – AITV jáne basqa da sozylmaly aýrýlary bar balalar men jasóspirimderge qatysty aldyn alý men emdeýdiń zamanaýı standarttary men qaǵıdattaryn engizý. Búgingi bizdiń basty mindetimiz – jumyspen qamtý ortalyqtary, JITS aldyn alý jáne oǵan qarsy kúres jónindegi ortalyqtar, alǵashqy medısınalyq-sanıtarlyq kómek uıymdary mamandarynyń jáne belsendi ata-analardyń/qamqorshylardyń AITV, qant dıabeti, balalardyń serebraldy sal aýrýy jáne aýtızmmen ómir súretin balalar men jasóspirimderdi psıhoáleýmettik qoldaý máseleleri boıynsha jáne olardyń ata-analarynyń/qamqorshylarynyń jáne olardyń ata-analarynyń/qamqorshylarynyń bilimderin keńeıtý jáne daǵdylaryn arttyrý», - dep atap ótti Eńbekmıni jáne IýNISEF birlesken jobasy aıasynda qurylǵan jobalaý ortalyǵynyń basshysy Danıar Nurpeıisov.
Oqytý barysynda jattyqtyrýshylar áleýmettik qorǵaý jáne densaýlyq saqtaý júıelerindegi mamandardy sozylmaly aýrýlary bar balalardyń ózekti máselelerin anyqtaýdyń bazalyq qaǵıdattaryna jáne olardyń ómir súrý sapasyn arttyrý boıynsha yqpaldastyrylǵan tásilderge úıretti. Bul nátıjege qol jetkizý úshin psıhoáleýmettik qoldaýdyń 10 ulttyq standarty, sonyń ishinde keıs-menedjment tehnologıasy qoldanyldy.
«AITV jáne basqa da sozylmaly aýrýlarmen ómir súretin balalar men jasóspirimderdi tabysty áleýmettendirý – memlekettiń mańyzdy mindeti. Bul baǵyttaǵy jumys osy aýrýlardan zardap shegetin jas qazaqstandyqtardyń ómir súrý sapasyn arttyrýǵa yqpal etedi, olarǵa qoǵam ómirine yqpaldasýǵa múmkindik beredi», – dep atap ótti Eńbekmıni Áleýmettik qyzmetter saıasatyn damytý departamentiniń orynbasary Syrym Násı.