Kúdikti qamaldy.
Almatyda qoǵamdyq kólikte urlyq jasap júrgen jigit ustaldy, dep habarlaıdy Almaty-akshamy.kz Polisia.kz-ke silteme jasap.
Aıaldamada urlyq jasaǵan 19 jastaǵy kúdikti qolǵa tústi.
«Qaskóıdiń oljasy Samsung telefony boldy. Ony kúdikti er adamnyń kúrtesiniń qaltasynan shyǵaryp alyp, oǵan 40 myń teńge materıaldyq shyǵyn keltirgen. Belgili bolǵandaı, qaskúnem aıaldama keshenderi men qoǵamdyq kólikterde «qarbalas ýaqytta» urlyq jasap júrgen. Qoǵamdyq kóliktiń bir basynan ekinshi shetine deıin jolaýshylardyń qaltasyn teksergen. Qazirgi ýaqytta sotqa deıingi tergeý amaldary júrgizilip jatyr. Kúdiktige qamaýǵa alý túrindegi bultartpaý sharasy sanksıalandy. Sonymen qatar, kúdiktiniń qalanyń basqa da jerlerinde osyǵan uqsas basqa da qylmystardy jasaýǵa qatysy bar-joǵy tekserilip jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.