Urlyq jasap, ońaı aqsha tappaq bolǵandar ustaldy.
Olardyń biri – 30 jastaǵy A. esimdi azamat №86 qoǵamdyq kólikte urlyq jasaǵany úshin ustaldy. Qaskóıdiń oljasy Samsung telefony boldy, dep habarlaıdy Almaty-akshamy.kz Polisia.kz-ke silteme jasap.
«Kúdikti qoǵamdyq kóliktiń jolaýshysyna 300 myń teńge kóleminde materıaldyq shyǵyn keltirdi. Urynyń qarbalas ýaqytta avtobýstarǵa minip, jolaýshylardyń qaltasyn tekserip, qoǵamdyq kóliktiń bir basynan ekinshi jaǵyna deıin júrgenin arnaıy top qyzmetkerleri jedel túrde anyqtady. Qazirgi ýaqytta Jetisý aýdandyq polısıa basqarmasy sotqa deıingi tergeý amaldaryn júrgizip jatyr. Almatynyń Naýryzbaı aýdanynda osyǵan uqsas senarı boıynsha áreket etken taǵy bir ońaı aqshany unatatyn azamat ustaldy. 40 jastaǵy K.esimdi azamat №15 avtobýsta qart áıeldiń sómkesinen uıaly telefonyn urlap ketken. Bul sát beınebaqylaý kamerasyna túsip qalǵan. Tergeýdiń qazirgi kezeńinde bul kúdiktiniń osyǵan uqsas úsh qylmysqa qatysy bar ekendigi anyqtaldy», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Eki kúdikti de ýaqytsha ustaý ızolátoryna qamaldy.