Kórmege kirý tegin.
Qaıta óńdelgen buıymdar kórmesi Esentay Gallery-da 25 qazanǵa deıin jalǵasady, dep habarlaıdy Almaty-akshamy.kz
Búgin Almatyda Air Astana áýe kemeleriniń paıdalanylǵan bólshekterin kreatıvti qaıta óńdeýge arnalǵan Upcycling for the Future pılottyq jobasyn tanystyrdy. Boeing 767 jáne Airbus 320 ushaqtarynyń paıdalanýdan shyǵarylǵan bólikteri, atap aıtqanda muryn, bagaj bóliginiń qaqpaqtary, jolaýshylar kreslolarynyń qurylymdary, sondaı-aq ushaq salonynyń jumsaq matasy jıhaz jáne ishki kórinisiniń áshekeılerine aınaldyryldy.
Bul - áýe kompanıasynyń ushaq bólshekterin birinshi ret qaıta paıdalanýy. Interer zattaryna ústelder, sákiler, kreslolar, sondaı-aq jumsaq matadan jasalǵan joldorbalar jatady. Bul zattardyń barlyǵyn keńse ishinde de, turǵyn úı-jaılarda da, ashyq alańdarda da paıdalanýǵa bolady. Kádege jaratý prosesinde qoldanylatyn tehnologıalar ártúrli temperatýra men klımattyq jaǵdaılardy kóterýge múmkindik beredi.
«Biregeı bólshekter men sırek materıaldardy qaıta óńdeý arqyly biz turaqty damý maqsattaryna sáıkes keletin uzaq merzimdi ónimderdi jasap qana qoımaı, sonymen qatar áýe kemesiniń rýhynyń bir bóligin, saıahat kezinde jolaýshylardyń sezingen emosıalaryn saqtaımyz jáne sol arqyly osy zattardy kúndelikti kontekstkke kóshiremiz», - dedi kórmeniń ashylýynda kompanıa prezıdenti Pıter Foster.
Áýekompanıa otyn únemdeıtin ushaqtardy paıdalaný, keńselerde qaldyqtardy bólek jınaý arqyly turaqty damý saıasatyn birtindep júzege asyrýda, sondaı-aq elektrondy qujat aınalymy men zamanaýı tehnologıalardy engizý arqyly qorshaǵan ortaǵa teris áserdi azaıtady.
