Jetisý aýdandyq polısıa basqarmasyna 33 jastaǵy áıelden aryz túsken.
Aıtýynsha, túski ýaqytta 130-baǵyttaǵy qoǵamdyq kólikte belgisiz bireý onyń 180 myń teńge aqshasyn urlap ketken, dep habarlaıdy Almaty-akshamy.kz Polisia.kz-ke silteme jasap.
«Jedel-izdestirý sharalary qaskóıdiń jeke basyn anyqtaýǵa múmkindik berdi. Ol 33 jastaǵy K.esimdi azamat bolyp shyqty. Urlyq qoǵamdyq kólik salonyna ornatylǵan beınebaqylaý kamerasyna túsip qalǵan. “İzin sýytpaı” ustalǵan kúdikti bótenniń múlkin urlaǵanyn moıyndady. Onyń áreketi QR QK-niń 188-baby 1-bóligi boıynsha saralandy. Qazirgi ýaqytta sotqa deıingi tergeý amaldary júrgizilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.