Almaty polısıasy úsh qalta urlyǵyn jasady degen kúdikpen Ońtústik Qazaqstan oblysynyń týmasyn ustady.
Nusqalardyń birine sáıkes, 38 jastaǵy kúdikti qalanyń Áýezov jáne Alataý aýdandarynyń aýmaǵynda urlyq jasap júrgen. Buǵan deıin 104-baǵyttaǵy qoǵamdyq kóliktiń jolaýshysynyń qaltasynan IPhone telefonyn sýyryp alǵan, dep habarlaıdy Almaty-akshamy.kz Polisia.kz saıtynan alynǵan aqparatqa júginip,
«Jedel izdestirý is-sharalarynyń nátıjesinde kúdikti ustaldy. Qazirgi ýaqytta tergeý, kúdiktiniń úsh urlyq deregine qatysty bolýy múmkin ekenin anyqtady. Er adam ýaqytsha ustaý ızolátoryna qamaldy. Onyń jalpy qala boıynsha osyǵan uqsas qylmystarǵa qatysy bar-joǵy tekseriletin bolady», – dedi Almaty qalalyq polısıa departamenti basshysynyń orynbasary Dıdar Ahanov.
Qylmystyq is boıynsha basqa da málimetter QR QPK-niń 201baby jáne QR Konstıtýsıasynyń normalaryna sáıkes jarıa etýge jatpaıdy