Almatyda qoǵamdyq kólik tolyqtaı gazǵa kóshiriledi

Qasym-Jomart Toqaevqa 2025 jyldan keıin qoǵamdyq kólikti tolyqtaı gazǵa jáne elektrge kóshirý jóninde bergen tapsyrmasynyń oryndalý barysy týraly baıandaldy.

Ákimdiktiń málimetine sáıkes aldaǵy 2 jyl ishinde qoǵamdyq kóliktiń barlyq komýnaldyq avtoparkin jańartý josparlanǵan. Sonymen qatar 11 jylda alǵash ret troleıbýs parkin jańartý qolǵa alyndy, dep habarlaıdy almaty-akshamy.kz. 

Qalada jol qurylysynyń qarqyny artyp keledi. Almatyda byltyr 70 kóshege 25 shaqyrym jańa jol salynsa, bıyl 136 kóshege jalpy uzyndyǵy 70 shaqyrym bolatyn jol tóseý josparlanyp otyr. Sondaı-aq ótken jyly 200 shaqyrym jolǵa ortasha jóndeý jumystary júrgizilse, bıyl bul kórsetkish 250 shaqyrymǵa deıin ulǵaıtylmaq.

Qalanyń Almaty aglomerasıasymen kólik baılanysyn qamtamasyz etý jónindegi Prezıdenttiń tapsyrmasyn oryndaý aıasynda jolaıyryqtar qurylysy júrgizilip jatyr. Qalanyń shetinen ortalyǵyna qaraı keletin radıaldy joldardy ashý jumystary júzege asyrylýda. Osy jyldyń sońyna deıin Saın men Móńke bı jáne Seıfýllın men Jansúgirov kósheleriniń qıylysynda jol aıyryǵyn salý josparlanyp otyr.