13 ekoposttyń jumysy qalpyna keltirildi
Almatyda aýa, topyraq, sý jáne radıasıa mólsheri synamalarynyń taldaýyn jınaýǵa qajetti stasıonarlyq ekologıalyq posttardy qalpyna keltirý jumystary bastaldy, dep habarlaıdy Almaty-akshamy.kz.
Almaty qalasy Jasyl ekonomıka basqarmasynda habarlaǵandaı, búgingi tańda 13 ekoposttyń jumysy qalpyna keltirildi. Qalǵan 6 ekopost aqpan-naýryz aılarynyń sońyna deıin jumysyn bastaıdy. Kóktem mezgili bastalysymen Almatyda jyljymaly ekologıalyq beketter de óz jumysyn bastamaqshy.
Aıta ketsek, Almatyda qańtar oqıǵalary kezinde buzaqylar 13 ekologıalyq postty órtep, 4 beketti syndyryp, tonaǵan. Tek 2 beket qana aman qalǵan bolatyn.