Beıjiń oıyndaryna baratynymdy qańtardyń ortasynda ǵana bildim
Shańǵymen júgirýden Qazaqstan áıelder komandasynyń múshesi Irına Bykova Olympic.kz saıtyna suhbat berip, estafeta nátıjesine baılanysty pikirimen bólisti. Sportshynyń aıtýynsha, ol estafeta kezinde Valerıa Túlenevany aýystyrǵan.
«Negizi, men estafetaǵa qatysatyn tizimde joq edim. Biraq Valerıa Túleneva aýyryp qalǵasyn, ornyna men shyqtym. Jarys kóńilimnen shyqty, barlyq qyzdar da jarap tur. Árıne, nátıje kóńil qýantpaıdy. Dese de, biz óz shama-sharqymyz jetkenshe júgirdik.
Bul meniń alǵashqy Olımpıadam. Tórtjyldyq dodasyna qatysý men úshin arman bolatyn. Ókinishke qaraı, Beıjiń oıyndaryna baratynymdy qańtardyń ortasynda ǵana bildim. Birden joldama alǵanym joq. Sondyqtan, josparly túrde daıyndalý múmkin bolmady. Olımpıada qarsańyndaǵy bar jattyǵýym týǵan qalam Pavlodarda ótti. Osyndaǵy jaǵdaı men men turatyn qaladaǵy jaǵdaıdy salystyrý múmkin emes.
Bári oıdaǵydaı emes, alaıda, úlken tájirıbe alǵanym anyq. Basty dodaǵa qatysqanym úshin qýanyshtymyn», - dedi Irına.
Eske sala keteıik, qazaqstandyq shańǵyshy qyzdar komandalyq estafetada 15-shi oryn ıelendi.