Erjan Babaqumarov "Qazaqstannyń 100 jańa esimi" jobasynyń almatylyq jeńimpazdarymen kezdesti
Almaty qalasy ákiminiń orynbasary Erjan Babaqumarov "Qazaqstannyń 100 jańa esimi" jobasynyń tórtinshi kezeńiniń fınalısi bolǵan almatylyqtarmen kezdesý ótkizdi. Bul joba 2017 jyldan bastap "Rýhanı jańǵyrý" baǵdarlamasy aıasynda básekege qabilettilik, pragmatızm men bilimge tabyný ıdeıalaryn ártúrli mamandyqtaǵy naqty adamdardyń arqasynda iske asýda.
4 jyldyń ishinde jobaǵa 7 myńnan astam adam qatysty, olardyń 163-i jeńimpaz atandy. Onyń 46-sy almatylyqtar. Baıqaýdyń tórtinshi kezeńinde barlyq jeti sala boıynsha ("Qoǵam", "Mádenıet pen sport", "Medısına", "Ǵylym men ınovasıa", "Bıznes", "Ekologıa" men "Bilim") úsh myńǵa jýyq qazaqstandyq ótinim bergen, arasynda 9 almatylyq fınalıst bar. Olardyń arasynda kásipkerler, ǵalymdar, jýrnalıser, sportshylar, muǵalimder men eriktiler bar. Olar túrli salalarda tabystarǵa qol jetkizdi ári olardyń tájirıbesi basqa almatylyqtar úshin úlgi.
Almaty ákiminiń orynbasary Erjan Babaqumarov jeńimpazdarǵa alǵys hattar tabys etip, "Qazaqstannyń 100 jańa esimi" jobasy el Táýelsizdiginiń 30 jyldyǵyna oraı ótkenin aıtty. Jobada jeńiske ózderiniń daryny, eńbekqorlyǵy arqyly qalamyzdyń turǵyndaryn keńinen tanı bilgen, qazaqstandyqtyń básekege qabiletti ári tabysty beınesin qalyptastyrýǵa óz úlesterin qosqan adamdar jetti.
"Jobada Táýelsizdik jyldarynda jetistikke jetken, jeńiske ózderiniń talanty, eńbekqorlyǵy arqyly básekege qabiletti ári tabysty beınesin qalyptastyrýǵa óz úlesterin qosqan adamdar jetti. Bizdiń Otanymyz daryndy azamattarǵa jaǵdaı jasaıdy. Patrıotızmde Otanǵa degen súıispenshiligimiz mańyzdy. Bizdiń elimiz jastardyń jetistikke jetýine múmkindik beredi. Joba jeńimpazdary mıllıondaǵan adamdarǵa úshin úlgi", – dedi E. Babaqumarov.
Júzdikke engen jańa esimderdiń ishinde QazUAÝ halyqaralyq vaksınologıa ortalyǵynyń dırektory, profesor, ǵalym Qaısar Tabynov "Ǵylym men ınovasıa" salasynda jeńimpaz atandy. Ol óz tobymen birge sońǵy 15 jyl ishinde qaýipti ınfeksıalarǵa qarsy 10-ǵa jýyq vaksına jasady. Onyń biregeı jobalary qazirdiń ózinde qoldanylady. Jeńimpazdar qatarynda jańashyl ári tabysty kásipker Taır Batalov ta bar. Ol astyq naryǵyndaǵy álemdik aınalymnyń 80%-na deıin retteıtin kompanıa qurý arqyly myńnan astam jumys ornyn qurdy. Jeńimpazdar tiziminde profesor, jýrnalıs ári "Turan-TV" telearnasynyń júrgizýshisi, Abylaıhan atyndaǵy QazHQjÁTÝ oqytýshysy Madına Áshimova bar. Ol sondaı-aq "Nomad"saıahatshylar klýbyn uıymdastyrdy.
"Men birqatar áleýmettik jobalardyń uıymdastyrýshysymyn, jýrnalıs bolyp jumys isteımin ári JOO-da sabaq beremin. Jas qazaqstandyqtarǵa óz armanyna jetý kerektigin kórsetkim keledi. Meniń jobaǵa qatysýym áıeldiń taǵdyry tek otbasy men úıde ǵana emes ekenin kórsetedi”, – dedi Madına Áshimova.
Sondaı-aq "100 jańa esim" jobasynyń jeńimpazdary qatarynda: fotograf, "OKO STUDIO" negizin qalaýshy Danıar Sárseıuly, AQSH-taǵy hokeı klýbynyń jattyqtyrýshysy, Princeton Tiger Lilies komandasynyń bas jattyqtyrýshysy, sportshy ári hokeı shabýylshysy Bulbul Kartanbaı, startaper, Warwick Boring negizin qalaýshy ári bas ınjeneri Taıjan Sanjar, hımıa pániniń muǵalimi, japondyq anıme "Narýto" arqyly mektep páninen sabaq beretin Ulan Úsenov, "Kzphdgirlsunion" eriktiler jobasynyń negizin, "Carl Zeiss" kompanıasyndaǵy ekstremaldy ÝK-lıftografıa salasyndaǵy ǵalym Ámına Mırsakıeva men AQSH-taǵy "Qazaq time" jobasynyń júrgizýshisi Danıar Qojan bar.