15 qarashada Almaty qalasynda Qazaqstan qarjygerleriniń XII kongresi ótedi.
İs-sharany Qazaqstan Ulttyq banki men QR Qarjy naryǵyn retteý jáne damytý agenttiginiń qoldaýymen Qazaqstan qarjygerleri qaýymdastyǵy uıymdastyrady, dep habarlaıdy aqshamnews.kz 24.kz-ke silteme jasap.
Kongrestiń paneldik sesıalarynda Qazaqstannyń memlekettik organ ókilderi, bankter men basqa da qarjy ınstıtýttarynyń basshylary qarjy sektoryn lıberalızasıalaý máseleleri men onyń ekonomıkalyq ósimge qalaı áser etetinin talqylaıdy. Sonymen qatar makroekonomıkalyq saıasattyń basqa da aspektilerin qarastyrady.
Sondaı-aq Kongreste ulttyq sıfrlyq qarjy ınfraqurylymy men sıfrlyq teńgeni damytý perspektıvalary saralanady. Bólshek qarjy naryǵyn damytýǵa da qatysty dara sesıa ótedi, ol halyqqa arnalǵan kredıt, saqtandyrý jáne ınvestısıa ónimderine arnalady. Kongreste qaralatyn taǵy bir taqyryp – korporatıvtik sektordy qarjylandyrý, onyń múmkindikteri men ondaǵy shekteýler. Qorytyndy paneldik pikirtalas ınvestısıalyq jáne endaýment qorlaryn damytý baǵyttaryna arnalady. Kongres baǵdarlamasymen Ulttyq Banktiń saıtynda tanysýǵa bolady. Aıta keteıik, Qazaqstan qarjygerleriniń kongresi onlaın jáne oflaın formatta ótedi.