2024 jylǵy 17 qyrkúıek Almaty qalasy, Qazaqstan – Ekinshi Qazaqstan IGF 2024: ınternetti basqarý jónindegi Ulttyq forým 16 qazanda Almaty qalasynyń jetekshi IT habynda, SmArtPoint-te ótedi.
Bul mańyzdy oqıǵa Qazaqstanda ashyq jáne qaýipsiz sıfrlyq keńistiktiń qurylýyna yqpal etedi, dep habarlaıdy aqshamnews.kz.
Internetti basqarý jónindegi jahandyq forýmnyń (The Internet Governance Forum, IGF) bóligi retinde IGF ulttyq bastamalary Birikken Ulttar Uıymynyń (BUU) Bas hatshylyǵynyń qoldaýymen ótkiziletin tórt qurlyqtaǵy álemniń 106 elinde usynylǵan.
Qazaqstan IGF - memlekettik organdar, jeke sektor, azamattyq qoǵam jáne akademıalyq ortanyń 200-den astam ókiliniń ınternet pen kıberqaýipsizdikke qatysty kóptegen máseleni talqylaıtyn jyl saıynǵy biregeı ulttyq forýmy.
Atap aıtqanda, sharada mynadaı taqyryptar qamtylady:
- Turaqty damý maqsattaryn (TDM) iske asyrý tásili retinde ınternetti kópjaqty basqarý;
- Jasandy ıntellekt dáýirindegi qupıalylyq;
- Krıptovalútalardyń evolúsıasy jáne olardy retteý;
- Jeke baılanys jelileri, sıfrlyq teńsizdikti jeńý;
- Parlamenttik bastama: sıfrlyq zańnamany kodıfıkasıalaý;
- Qazaqstannyń sıfrlyq bolashaǵyndaǵy áıelderdiń róli;
- Onlaın platformalardy Ulttyq retteý; jáne taǵy basqalar.
Budan basqa, is-sharada «Digital Rights Center Qazaqstan» (DRCQ) zań fırmasynyń sarapshylary jasaǵan korporatıvtik basqarý, pikir bildirý erkindigi jáne qupıalylyq boıynsha kórsetkishterdi eskere otyryp, telekom, fınteh jáne e-commerce úsh sektory boıynsha «Sıfrlyq quqyqtardy saqtaý reıtıńi 2024» nátıjeleri usynylatyn bolady.
Qazaqstan IGF 2024 uıymdastyrýshylary:«Eurasian Digital Foundation» qory jáne DRCQ Birikken Ulttar Uıymy Bas hatshylyǵynyń resmı qoldaýymen, Qazaqstan Respýblıkasy sıfrlyq damý, ınovasıalar jáne aeroǵarysh ónerkásibi Mınıstrliginiń aqparattyq qaýipsizdik komıtetimen, «Digital Paradigm» QQ, Maqsut Narikbayev University jáne «BlockchainKZ» blokcheın tehnologıasyn ázirleýshiler men paıdalanýshylar qaýymdastyǵymen seriktestikte.
IGF ulttyq bastamasy kópjaqty dıalog qurýdy yntalandyrady jáne BUU-nyń turaqty damý maqsattaryna sáıkes keledi #9 «Ónerkásip, ınovasıa jáne ınfraqurylym» jáne #17 «Turaqty damý úshin seriktestik».