Saltanatty is-sharaǵa Almaty ákimi Erbolat Dosaev qatysty.
Almatyda Abaı alańynda Qazaqstan halqynyń birligi kúnine arnalǵan merekelik konsert ótti, dep habarlaıdy Almaty-akshamy.kz
Merekelik baǵdarlama eriktilerdi, azamattyq belsendilerdi, Qazaqstan halqy Assambleıasynyń ókilderin jáne sý tasqynyna qarsy kúrestiń basqa da qatysýshylaryn marapattaý rásiminen bastaldy.
Almaty ákimi Erbolat Dosaev sý tasqynynan zardap shekken azamattar úshin gýmanıtarlyq kómekti jınaýǵa jáne jetkizýge belsendi atsalysqan Qazaqstan halqy Assambleıasynyń mesenattaryna, sondaı-aq sý tasqynyna qarsy is-sharalarǵa qatysý úshin BQO-ǵa issaparmen jiberilgen eriktilerge, komýnaldyq qyzmetter men kásiporyndardyń qyzmetkerlerine alǵys bildipdi.
Qala basshysynyń atynan alǵys hat alǵandar:
- Dolkýntaı Abdýlhalıl – Qazaqstan uıǵyrlarynyń respýblıkalyq mádenı ortalyǵynyń tóraǵasy;
- Mahmýd Elás – «Arıana» aýǵan ortalyǵy» qoǵamdyq birlestiginiń tóraǵasy;
- Gahraman Sadıev – «Ázirbaıjandar qaýymdastyǵy» RQB Almatydaǵy fılıalynyń tóraǵasy;
- Andreı Shın – «Almaty koreı ulttyq ortalyǵy» qoǵamdyq birlestiginiń tóraǵasy;
- Ábýbákir Voınse – «Dúngen qazaqstandyq qoǵamy» qoǵamdyq birlestiginiń tóraǵasy;
- Manas Táshibekov – «Muras»qyrǵyz etnomádenı ortalyǵy” qoǵamdyq birlestigi tóraǵasynyń orynbasary;
- Rýstam Qaıryev – Almatydaǵy «Assambleıa jastary» RQB ókildiginiń kýratory, Almaty qalasyndaǵy QHA sý tasqyny saldarynan zardap shekken adamdarǵa gýmanıtarlyq kómek jınaý jónindegi shtabtyń basshysy;
- Anna Torosán – Almatydaǵy «Jastar Assambleıasy» RQB ókildiginiń tóraǵasy;
- Omar Muhammedsarýar-Almatydaǵy «Jastar Assambleıasy» RQB ókildiginiń múshesi;
- Ǵanı Kandıev – erikti, Almaty qoǵamdyq Keńesiniń sarapshysy;
- Saken Ibraımov – «Almaty tazalyq» júrgizýshi-mehanık;
- Orazǵalı Omar – erikti;
- Oqas Qýanysh – «Samuryq Konstrakshn toby» samosvalynyń júrgizýshisi;
- Aıdar Sultanoa – «Adala Construction» ınjener jolshysy;
- Asanova Sholpan – Almaty-1 stansıasynyń júk jáne bagajdy aǵa qabyldaý-tapsyrýshysy. (tolyq tizim tirkeldi).
Konserttik baǵdarlama «JasStars» tobynyń oryndaýyndaǵv «Uly jer» kompozısıasy ashty. Kórermender úshin etnomádenı birlestikterdiń shyǵarmashylyq toptary boldy: Agýgaı ansambli, «Dervıshı» toby, Anjelıka Shaǵarova, «Naırı» ansambli, «Qazan nurlary» ansambli (Tatarstan), «Ýzbegım» ansambli (Ózbekstan), Rýmı jáne Ianıs, «Bahar» kavkaz bı ansambli, «Elaman» dýeti (Qyrǵyzstan), Roman Kım jáne MýzArt toby.
Respýblıka saraıynyń aldynda qaıyrymdylyq jármeńkesi men gastro festıvál ótti. 10-nan astam restorator qazaq, túrik, ózbek, koreı, nemis, qytaı, grýzın, orys, armán, uıǵyr asqanasynyń ulttyq taǵamdaryn usyndy. Qarajat sý tasqynynyń saldaryn joıý paıdasyna «Demeý Qazaqstan qory» korporatıvtik qoryna aýdarylady.
Merekelik baǵdarlama Maxi Fest qaıyrymdylyq konsertimen jalǵasty. Sahnada qazaqstandyq estrada juldyzdary: Aıqyn, Qanay, Ayree, Keshú toby, Ilhan Yqsan, Bekzat Kýnanbaı, Sısıtaı, Azıa toby, Artýr Davletıarov, Áıgerim Qalaýbaeva, Ulanǵasyr Qamı jáne ALPHA toby.
Sondaı-aq, merekelik sharalar qalanyń barlyq aýdanynda da ótedi.