Semınarda qazaq sóziniń qýaty men qudireti, kórkemdiligi, qazirgi jaı-kúıi máseleleri talqylandy
2022 jylǵy 29 qarashada QR Ulttyq kitaphanasynyń N.Dáýletova atyndaǵy zalynda A.Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologıa ǵylymdarynyń doktory, profesor, «Til janashyry» tósbelgisiniń ıegeri, eńbek ardageri Seıdin Bızaqovtyń 85 jyldyq mereıtoıyna arnalǵan «Qazaq sóziniń qunary» atty tiltanymdyq mektep semınary jáne «Qazaq tiliniń sınonımder sózdiginiń» besinshi basylymynyń tusaýkeser rásimi ótti, dep habarlaıdy Almaty-akshamy.kz.
İs-sharany A.Baıtursynuly atyndaǵy Til bilimi ınstıtýtynyń dırektory Anar Fazyljan júrgizdi.
Semınar barysynda A. Baıtursynuly atyndaǵy Til bilimi ınstıtýtynyń bas ǵylymı qyzmetkeri, fılologıa ǵylymdarynyń doktory, profesor Myrzabergen Malbaquly, ál-Farabı atyndaǵy QazUÝ profesory, fılologıa ǵylymdarynyń doktory Anar Salqynbaı, Abaı atyndaǵy QazUPÝ profesory, pedagogıka ǵylymdarynyń doktory Faýzıa Orazbaeva, Abaı atyndaǵy QazUPÝ qaýymdastyrylǵan profesory, fılologıa ǵylymdarynyń kandıdaty Saıan Jırenov, A.Baıtursynuly atyndaǵy Til bilimi ınstıtýtynyń jetekshi ǵylymı qyzmetkeri, fılologıa ǵylymdarynyń kandıdaty Aıgúl Ámirbekova, ál-Farabı atyndaǵy QazUÝ dosenti, fılologıa ǵylymdarynyń kandıdaty Gúlmıra Jetkergen jáne t.b. arnaıy shaqyrylǵan qonaqtar sóz sóılep, oılarymen bólisti.
Shara aıasynda qazaq til biliminiń leksıkologıa, leksıkografıa, sóz mádenıeti, túrkitaný salasynda ónimdi eńbek etip, eleýli úles qosyp kele jatqan belgili tilshi-ǵalym, ádisker-ǵalym Seıdin Bızaqovtyń ǵylymı eńbekteriniń kórmesi uıymdastyryldy.
Sonymen qatar, semınarda qazaq sóziniń qýaty men qudireti, kórkemdiligi, qazirgi jaı-kúıi máseleleri talqylandy. S. Bızaqovtyń qazaq sózin kórkeıtýge qosqan úlesi men jańalyqtary nasıhattaldy.
Sharaǵa fılolog-ǵalymdar, ál-Farabı atyndaǵy QazUÝ, Abaı atyndaǵy QazUPÝ, Súleımen Demırel ýnıversıtetiniń, Abylaı han atyndaǵy QazHQÁTÝ, Qyzdar UPÝ profesorlary, jazýshylar, redaktorlar, stýdentter, BAQ ókilderi qatysty.