Almaty dárigerleri koronavırýspen kúresýge daıyn.
Almaty dárigerleri koronavırýspen kúres jumystaryn júrgizip jatyr. Qazirgi kezde olar 5060 tósek-oryn daıyndap qoıǵan, dep habarlaıdy Almaty-akshamy.kz.
Koronavırýs dertine shaldyqqan azamattardy emdeý maqsatynda Almatyda 5060 tósek-oryn bar. Mamandardyń aıtýynsha, aýrýlardyń sany ósken jaǵdaıda, tósek-oryn da kóbeıtiledi. Bul týraly 12 shilde kúni Almaty qalasy qoǵamdyq densaýlyq basqarmasynyń basshysy Narıman Tabynbaev aıtyp berdi.
«Búgingi tańda bizde 5060 tósek-oryn bar. Aldaǵy kúnderi koronavırýs dertine shaldyqqan azamattardyń sany 50% kóbeıgen jaǵdaıynda biz qosymsha oryn daıyndaımyz. Al Densaýlyq saqtaý mınıstrliginiń boljamy boıynsha, aýrýlardyń sany kóbeıýi múmkin», – dedi Narıman Tabynbaev.
Dárigerlerdiń aıtýynsha, ótken táýlikte Almatyda qaýipti indetti juqtyrǵan 638 jańa jaǵdaı tirkeldi. Bul – bıylǵy jazdaǵy antırekord. Maýsym aıynyń sońǵy kúnderi aýrýǵa shaldyqqan 600 jaǵdaı anyqtaldy. Bul koronavırýstyń úndi shtamynyń taralýymen baılanysty.