Sońǵy 10 kúnde aýrýhanalardaǵy naýqastardyń sany 2,5 ese ósken. Bul týraly Óńirlik komýnıkasıalar qyzmetinde ótken baspasóz konferensıasynda qalanyń bas sanıtarlyq dárigeri Jandarbek Bekshın habarlady.
Ótken táýlikte koronavırýstyq ınfeksıanyń 638 jańa jaǵdaıy tirkeldi. Barlyq emdelip shyqqandar – 35, kelip túskeni – 206.
2021 jyldyń 12 shilde kúni tańerteń ınfeksıalyq stasıonarlarda (5 060 tósek-oryn júktemesi) 1 724 adam (onyń ishinde 143 bala) em alýda, ıaǵnı, 34%-y jumyspen qamtylǵan.
ÓJJ apparattarynda 17 naýqas jatyr. Jalpy, jansaqtaý jáne qarqyndy terapıa bólimshelerinde naýqastardyń sany 10 kúnniń ishinde 50-den 121-ge deıin, ıaǵnı 2,4 esege kóbeıdi.
Búgingi tańda BMSK jáne Telemedısına ortalyǵy dárigerleriniń baqylaýynda 3 255 pasıent bar, al aýrýhanalar men úıde 40 jasqa deıingi jastar sanynyń kúrt ósýi baıqaldy.
2021 jyldyń 12 shildedegi aqparatqa sáıkes, Almaty qalasy boıynsha bir táýlik ishinde 9 418 adam vaksına aldy. 2021 jyldyń 1 aqpany men 11 shilldesi aralyǵynda qala boıynsha ekpeniń 1-komponentin 585 116 adam alǵan.
Búgingi tańda Almatyda 212 egý pýnkti jumys isteıdi. 308 vaksınalaý brıgadasyna 1 260 medısına qyzmetkerleri jumyldyrylǵany. Qala boıynsha vaksına qory jetkilikti.