Almatyda 565 birlik tehnıka jáne 1069 jumysshy joldyń qaýipsizdigin qamtamasyz etedi, dep habarlaıdy aqshamnews.kz Almaty qalasynyń Komýnaldyq ınfraqurylymdy damytý basqarmasyna silteme jasap.
22 qarasha kúni túngi saǵat 12-den bastap Almatyda jańbyr túrindegi jaýyn-shashyn, al tańǵy saǵat 5-ten bastap taýly jáne taýǵa jaqyn aýdandarda qar aralas jańbyr, saǵat 7-den bastap qalanyń ózinde qar jaýa bastady. Jaýyn-shashyn tańǵy 10-ǵa deıin jalǵasady dep kútilýde. Tańerteńgi 9-daǵy málimet boıynsha qalada 4 mm jaýyn-shashyn, al Shymbulaqta 0,5 sm qar tústi.
Kúndizgi ýaqytta 565 birlik arnaıy tehnıka men 1069 jumysshyjumyldyryldy. Aryq ótkelderiniń bitelýiniń aldyn alý jáne jergilikti sý basý máselesin joıý úshin motopompa, bagr jáne basqa quraldarmen jabdyqtalǵan 32 jedel mobıldi brıgada kezekshilik etedi.
Tótenshe jaǵdaılar qyzmetiniń málimetinshe, sý basý oqıǵasy tirkelmegen. Kóktaıǵaqtyń aldyn alý maqsatynda Bostandyq jáne Medeý aýdandarynyń joǵarǵy bóliginde 120 qumshashqyshtyń kómegimen kóktaıǵaqqa qarsy materıaldar sebildi.
Tańerteńgi saǵat 9-ǵa deıin 55 tonna materıal paıdalanyldy. Tańǵy saǵat 5-ten bastap 30 «Epoka» tehnıkasy arqyly qalanyń joǵarǵy aýdandaryndaǵy joldar (Medeý, Shymbulaq, Býtakovka, SHAAJ, Sadyqov, Asqarov, Dýlatı kósheleri jáne t.b.) suıyq kóktaıǵaqqa qarsy reagenttermen óńdeldi. Barlyǵy 85 m³ muzǵa qarsy eritindi qoldanyldy.
«Qazgıdromet» RMK málimetinshe, negizgi jaýyn-shashyn tańǵy 10-ǵa deıin aıaqtalady. Ári qaraı aıtarlyqtaı jaýyn-shashyn bolmaıdy. Kúndiz aýa temperatýrasy +2…+4 °C bolady.