Búgin Almatyda Ortalyq Azıa elderi men Reseı Qaýipsizdik keńesteri hatshylarynyń birinshi kezdesýi ótti.
Qazaqstan Prezıdenti Qasym-Jomart Toqaev forýmǵa qatysýshylarǵa arnaǵan quttyqtaý beıne-úndeýinde qazir aımaq úshin turaqtylyqty saqtaý jáne qaýipsizdikti nyǵaıtý asa mańyzdy mindet ekenin atap ótti, dep habarlaıdy Almaty-akshamy.kz
Iaǵnı, qaýip-qaterdi boljaý, aldyn alý sharalaryn jedel ázirleý jáne sapaly jańa ıntegrasıalanǵan tásilder qajet. Prezıdent kómekshisi, Qazaqstan Qaýipsizdik Keńesiniń hatshysy Ǵızat Nurdáýletov yntymaqtastyqtyń basym baǵyttaryn, onyń ishinde Aýǵanstandaǵy jaǵdaıdy turaqtandyrýǵa, kólik jáne azyq-túlik qaýipsizdigin qamtamasyz etýde birlesip áreket etýdi usyndy. Ekojúıeni saqtaý, sý máselelerine erekshe nazar aýdaryldy.
Sonymen qatar Ǵızat Nurdáýletov pen Reseı Qaýipsizdik keńesiniń hatshysy Nıkolaı Patrýshevtiń tóraǵalyǵymen ekijaqty kezdesý ótti. Taraptar Ortalyq Azıadaǵy terorızm men dinı ekstremızmge qarsy is-qımyl boıynsha yntymaqtastyqty talqylap, qazirgi geosaıası jaǵdaıǵa baǵa berdi.