Almaty qalasynyń Ekonomıkalyq tergeý departamentiniń ókili Jaqsylyq Myrzahan Óńirlik komýnıkasıalar qyzmetiniń brıfıńine qatysyp, onyń barysynda ótken jyly olardyń vedomstvosy 8 qarjy pıramıdasynyń qyzmetin toqtatqanyn aıtty.
ÓKQ spıkeri Ekonomıkalyq tergeý departamentiniń qyzmetkerleri qarjy pıramıdalarynyń jolyn kesi men joıýda qandaı is-sharalar ótkizetinin aıtty, dep habarlaıdy Almaty-akshamy.kz.
«Qazirgi ýaqytta qarjy pıramıdalary bastapqy kezeńde joıý úshin sharalar qoldanýda. Jarqyn mysal – «Kıberqadaǵalaý» aqparattyq júıesi arqyly ınternet keńistiginde saıttardy, akkaýnttardy jáne jarnamalyq siltemelerdi buǵattaý jumystary turaqty túrde júrgizilýde. 2022 jyly 396 ınternet siltemeleri buǵattalǵan bolatyn», - dep habarlady Jaqsylyq Myrzahan.
Búgingi tańda QR Qarjylyq monıtorıń agenttigi qarjy pıramıdalaryn uıymdastyrýshylardyń is-áreketterin eskertýge múmkindik beretin birqatar is-sharalar ázirlendi.
Kompanıalardy qarjy pıramıdasynyń belgilerine tekserý úshin «Baıqa pıramıda!» telegram-boty engizildi. Búgingi tańda oǵan azamattardan 2 myńnan astam ótinim kelip túsken, onyń ishinde 1800-i qaraldy. Bul rette, atalǵan jumys olardy aldyn-ala anyqtaýǵa baǵyttalǵandyǵyn aıta ketý qajet.
Jalpy, 2022 jyly Almaty qalasy boıynsha Ekonomıkalyq tergep-tekserý departamenti Almaty qalasynyń aýmaǵynda (Innova Gold), (QOZGAN), (the Finiko), (Grand lux house), (Tender), (Álfa Seıls Konsaltıń), (Forex klýb) (Rich Beach) sekildi 8 qarjy pıramıdasynyń qyzmetin toqtatty.
QR qylmystyq kodeksiniń 217 - babymen qarjy pıramıdalary boıynsha qozǵalǵan 6 qylmystyq is sotqa joldandy: "Caspian Crocus", "TheFiniko", "World Business Consulting" - (2), "Qozgan Inc", "B2B Jewelry". Joǵaryda atalǵan qarjy pıramıdalarynyń qyzmetinen 3500-den astam azamat zardap shekti.
Máselen, «Qozgan Inc» qarjy pıramıdasyn uıymdastyrýshylarǵa qatysty sotqa deıingi tergeýdi aıaqtaldy.
Uıymdastyrýshylar azamattarǵa ózderiniń aqshalaı qarajattaryn tenderlik jobalarǵa salýdy usyndy, bul 105 kún ishinde salym somasynyń 5-30 paıyzǵa deıin eselep qaıtarýǵa bolady dep sendirgen.
Salymshylardyń jalpy sany 50-den astam adamdy quraıdy, keltirilgen zalal somasy 270 mln.teńgeden asty.
«Sondaı-aq, quramynda altyn elementteri bar altyn quımalary men kosmetıkalyq ónimderdi satatyn ınternet-dúken retinde jasyrynǵan "Innova Gold" qarjy (ınvestısıalyq) pıramıdasyn uıymdastyrýshyǵa qatysty sotqa deıingi is júrgizý tergelýde.
«Innova Gold» uıymdastyrýshylary azamattardyń senimine kirip, jobaǵa shaqyrǵan. Qarajat salǵany úshin bonýstar esepteýge, sondaı-aq eger klıent ózimen birge basqa salymshylardy alyp kelgen bolsa, jobadaǵy rólin ilgeriletýge ýáde bere otyryp» - dep jalǵastyrdy spıker.
Azamattardyń salǵan aqshalaı qarajaty «Innova Gold» saıtyndaǵy salymshynyń jeke kabınetinde kórsetildi, alaıda saıt paıdalanýshylary óz qarajattaryn is júzinde qolma-qol aqshaǵa aınaldyra almady.
Bul is boıynsha tergeý júrgizilip jatyr, onyń nátıjesi BAQ-da jarıalanatyn bolady.
Almaty qalasy boıynsha ETD qyzmetkerleriniń qabyldaǵan sharalarynyń nátıjesinde qarjy pıramıdasyna kirý, ádette, erikti negizde jáne quqyqtyq súıemeldeýsiz júzege asyrylatynyn atap ótti. Alaıda, bizdiń óndiriste aıaqtalǵan qylmystyq ister bar, onda azamattar salynǵan qarajattaryn qaıtara aldy.
Ekonomıkalyq tergeý qyzmetiniń qabyldanǵan sharalardyń nátıjesinde, qarjy pıramıdalaryn uıymdastyrýshylardyń bank shottaryna, jyljymaly jáne jyljymaıtyn múlikterine tyıym salyndy. Mysaly, "World Business Consulting" qarjy pıramıdasyn uıymdastyrýshylarǵa qatysty qylmystyq is boıynsha segiz jábirlenýshige keltirilgen 34 255 155 teńge somasynda zalal óteldi.
«B2B Jewerly» qarjy pıramıdasyn uıymdastyrýshylarǵa qatysty qylmystyq is boıynsha 230-dan astam jábirlenýshige 300 mln.teńge somasyna zalal óteldi. 2,2 mlrd. teńge somasyna múlikke tyıym salyndy.
«Osy múmkindikti paıdalana otyryp, azamattardy elimizde qarqyn alyp jatqan ınternet-alaıaqtyqtan da saqtandyrǵym keledi. «Jalǵan qarjy» uıymdarynyń usynystaryn taratý jaǵdaılary jıilep ketti. Olar aqshany munaı óndirýshi kompanıalardyń, tanymal bankterdiń jáne kvazımemlekettik sektor sýbektileriniń iri jobalaryna joǵary jáne pasıvti kiristilik ýádesimen ınvestısıalaýǵa shaqyrady», - deıdi Jaqsylyq Myrzahan.
Sendirý úshin uıymdastyrýshylar tanymal jańalyqtar portaldarynyń logotıpteri men dızaınyn paıdalanady, sonymen qatar tanymal tulǵalar men joǵary laýazymdy sheneýnikterdi atap ótedi. Mundaı resýrstarǵa kire otyryp, siz ózińizdiń saýalnamalyq derekterińizdi toltyrmaýyńyz kerek. Osydan keıin, olar qońyraý shala bastaıdy, aty-jónin suraıdy, olar ózderin banktiń nemese quqyq qorǵaý organynyń qyzmetkerlerimiz dep tanystyryp, sizge nesıe rásimdelgenin nemese qylmystyq is qozǵalady dep aıtady. Tosyn sát pen sizdiń shatasýyńyzdy paıdalanyp, olar sizdiń banktik derekterińizdi alyp alýy múmkin.
Osyǵan oraı, Almaty qalasy boıynsha Ekonomıkalyq tergep-tekserý departamenti azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyrady.
Eger siz nemese Sizdiń jaqyndaryńyz qarjy pıramıdalarynyń qurbany bolyp nemese kúmándi jobalarǵa shaqyryp alyp jatsańyzdar, Almaty qalasynyń ekonomıkalyq tergep-tekserý departamentine habarlasýyńyzdy suraımyz (Jibek joly dańǵyly, 127). Senim telefony 279-29-56 nemese QR QM áleýmettik jelilerdegi resmı akkaýnttary arqyly.