Almatyda 16 jeltoqsan kúni saǵat 14:10-nan jaýyp bastaǵan qar 17 jeltoqsan kúni túngi saǵat 03:00-de aıaqtaldy. Qalada 9 sm qar jaýdy.
16 jeltoqsan kúni saǵat 16:30-dan 19:00-ge deıin 121 qum taratqyshtyń kúshimen bekitilgen marshrýttar boıynsha kóktaıǵaqqa qarsy materıaldar sebildi. 1416 tonna kóktaıǵaqqa qarsy materıal paıdalanyldy.
Joldan qar massasyn tyrmalaý men sypyrý túngi saǵat 02:00-den bastap júrgizildi.
Saǵat 05:00-den bastap kóktaıǵaqtyń aldyn alý úshin negizgi magıstralǵa kóktaıǵaqqa qarsy suıyq reagent sebildi. Saǵat 08.00-den bastap kúndizgi kezeńde tehnıkanyń shyǵýy uıymdastyryldy. Trotýarlardy, jalpy paıdalaný oryndaryn, qoǵamdyq kólik aıaldamalaryn, jer ústi ótkelderin tazalaý jumystary jalǵasýda. 17 jeltoqsan kúni saǵat 09.00-degi jaǵdaı boıynsha 2754 m3 qar shyǵaryldy.
Túngi kezeńde 354 birlik arnaıy tehnıka men 421 jol jumysshysy, kúndizgi kezeńde 344 birlik arnaıy tehnıka men 840 jol jumysshysy jumyldyryldy.
Aýdan ákimdikterinde qar tazalaý jumystaryn baqylaý boıynsha táýliktik kezekshilik uıymdastyryldy.
"Qazgıdromet" RMK boljamy boıynsha aýa temperatýrasy búgin kúndiz -1...-3 gradýs bolady.