Bıylǵy qys Almaty qalasy úshin erekshe qarly bolyp tur. Tek osy apta ishinde qar eki ret jaýyp, qalanyń komýnaldyq qyzmetterin tózimdilik pen jedeldikke synady. Degenmen, olardyń eńbegi nátıjeli ekenin kórýge bolady – qar ýaqytynda tazalanyp, kóshelerden shyǵarylýda. Bul týraly Aqshamnews.kz saıty habarlaıdy.
Komýnaldyq qyzmetterdiń jumysy
Qalanyń ár aýdanynda qar tazalaý jumystary qarqyndy júrip jatyr. Ásirese, basty kósheler men jaıaý júrginshiler joldarynyń ýaqytyly tazartylýy qala turǵyndary úshin úlken yńǵaılylyq pen qaýipsizdikti qamtamasyz etedi.
Almaly aýdanyndaǵy «Almaty tazalyq» qyzmetkeri Shyńǵys Tursynbekuly kún saıyn tańerteń jumysqa kirisip, kóshelerdi muqıat tazartyp otyrady.
"Tańerteńnen bastap kóshelerdi tazalaımyz. Qar toqtamaı jaýǵan kúnderi bir kósheni birneshe ret tazartýǵa týra keledi. Biraq eń bastysy – qala turǵyndary úshin qolaıly jaǵdaı jasaý", – deıdi komýnaldyq qyzmetker.
Qar tazalaýda zamanaýı tehnologıalar qoldanylýda
Almaty qalasynda qar kúreý jumystary jyl saıyn jetildirilip keledi. Sońǵy jyldary qala bıligi shveısarıalyq Boschung Pony P4 syndy zamanaýı qar tazalaýshy tehnıkalardy qoldanysqa engizgen.
"Bul tehnıka birneshe metr joldy birden tazalaı alady, ári mehanıkalyq júıeleri jumys prosesin jeńildetedi. Mundaı tehnologıalardy paıdalaný – qar tazalaý sapasyn arttyrýmen qatar, jumys ýaqytyn da únemdeıdi", – deıdi Shyńǵys Tursynbekuly.
Almatyda qar tazalaý jumystary jalǵasýda
Jyl saıyn qys mezgilinde Almatyda qar tazalaý tehnologıalary jetildirilip, komýnaldyq qyzmetterdiń jumysy júıeli túrde uıymdastyrylady. Qalanyń basty kósheleri men turǵyn úılerdiń aýlalary ýaqytyly tazartylyp, qar polıgondaryna shyǵarylady.
Turǵyndar úshin qaýipsizdik pen jaılylyqty qamtamasyz etý maqsatynda barlyq qyzmetter kúsheıtilgen rejımde jumys istep jatyr. Sondyqtan almatylyqtar qalyń qar jaýǵan kúnderi de kóshelerdiń taza bolatynyna senim arta alady.