1463 jol jumysshysy jumyldyryldy.
Kóktaıǵaqtyń aldyn alý maqsatynda Almatyda qar tazalaý jumystary júrgizilip jatyr, dep habarlaıdy Almaty-akshamy.kz.
Almaty qalasynda 15-18 sm (08:00-degi jaǵdaı boıynsha), taý bókterindegi aýdandarda 22-30 sm, taýly jerlerde 45 sm deıin qar jaýdy.
Kóktaıǵaqtyń aldyn alý maqsatynda saǵat 00.00-den bastap joldarǵa kóktaıǵaqqa qarsy materıaldar sebildi. Túngi saǵat 03.30-dan bastap jol polısıasynyń patrúldik mashınalarynyń erip júrýimen qar kúreý kolonnalary uıymdastyryldy. Tańerteńgi «qarbalas saǵatta» avtokólikti kedergisiz ótkizýdi uıymdastyrý úshin magıstraldy kóshelerde jáne qalanyń joǵarǵy bóliginde úsh ret qar kúreý jumystary júrgizildi.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, ortaq paıdalaný oryndaryn mehanıkalandyrylǵan ádispen jáne qolmen tazalaý jumystary kúsheıtildi.
Saǵat 08.00 jaǵdaı boıynsha 330 tekshe metr qar shyǵaryldy.
Qar tazalaýǵa barlyǵy 616 birlik arnaıy tehnıka, 1463 jol jumysshysy jumyldyryldy, 2950 tonna kóktaıǵaqqa qarsy materıaldar paıdalanyldy.
Aýdandyq ákimdikterde jumys barysyn baqylaý boıynsha táýlik boıǵy kezekshilik uıymdastyryldy.
"Qazgıdromettiń" boljamy boıynsha, qar jaýý 15 aqpanda kúnniń birinshi jartysynda aıaqtalady. Aýa temperatýrasy 15 aqpanda kúndiz 0-3 gradýs aıaz bolady.