Búgin qalamyzda qar qalyń jaýdy. Qalalyq ákimdiktiń málimetinshe tańǵy saǵat 04:00-den 07:00-ge sheıin qalyńdyǵy 10 sm qar jaýǵan. Qalamyzdyń kóshelerin tún demeı komýnaldy qyzmetkerler tazalaýǵa kiristi, - dep habarlaıdy Almaty aqshamy.
Tańerteń qala turǵyndary jumysqa, oqýshylar mektepge shyqqanda qardyń japalaqtap jaýǵanyn kórgen bolar. Sol qar tańǵy saǵat 7 álde 8 de jaba bastaǵan joq. Saǵat 04:00 de bastaǵan. Siz kórgen qardyń kólemi odan da kóp bolǵan. Tún demeı komýnaldy qyzmet qardy tazalady. Ia bastapqyda búkil qalany qamtý múmkin bolmaǵan bolar. Sebebi qalanyń aýmaǵy úlken. Soǵan qaramastan tynbaı eńbek etip túske qaraı kósheler tazardy.
Sýretti túsirgen Aqtolqyn Turlyǵazy
Bul jumysty kórsetý maqsatynda jýrnalıserge pres-týr uıymdastyryldy. Pres-týr Almaty qalasy Komýnaldyq ınfraqurylymdy damytý basqarmasynyń orynbasary Dýlat Ashkenov pen merdigerlik uıymdar ókilderiniń qatysýymen ótti. Dýlat Ashkenovtiń sózinshe qar tazalaýǵa 452 birlik arnaıy tehnıka, onyń ishinde 174 shaǵyn kólemdi tehnıka men 1183 jumysshy jumyldyrylǵan.
Ákimshilik tarapynan jumysshylardy tasymaldaý máselesi de jolǵa qoıylǵan. Ásemhan esimdi jumysshy Eńbekshiqazaq aýylynan eken. Jumysshy apamyzdyń sózinshe jumys kóligimen tasymal jolǵa qoıylǵan.