Almatyda qar shyǵarý jumystaryn baqylaý úshin táýlik boıy kezekshilik uıymdastyryldy, dep habarlaıdy Almaty-akshamy.kz Almaty qalasynyń Komýnaldyq ınfraqurylymdy damytý basqarmasyna silteme jasap.
Almatyda 26 qańtar kúni 04:00-den 12:00-ge deıin 3 sm qar jaýdy.
Qar jaýǵanǵa deıin negizgi negizgi magıstraldyq kósheler reagenttermen óńdelip, saǵat 05.00-ten beri 640 tonna kóktaıǵaqqa qarsy materıaldar qoldanyldy.
Trotýarlar men jalpy paıdalaný oryndary, qoǵamdyq kólik aıaldamalary men jaıaý júrginshiler ótkelderinde qar qolmen kúreldi.
Jol patrúldik polısıasynyń erip júrýimen 10 kolonna kólik qardy kúredi. 458 arnaıy tehnıka, atap aıtqanda 153 qum taratqysh, 169 trotýar tazalaǵysh shaǵyn tehnıka, 45 qar tıegish, 69 ózi túsirgish júk kóligi jáne 1224 jumysshy jumyldyryldy. 17 qańtarda sońǵy jaýǵan qardan keıin saǵat 18:00-degi jaǵdaı boıynsha 90 myń m3 qar shyǵaryldy.
Túngi ýaqytta 412 birlik arnaıy tehnıka men 265 jumysshy jumyldyrý josparlanǵan. Aýdan ákimdikterinde jumysty baqylaý úshin 24 saǵattyq kezekshilik uıymdastyryldy.