Almaty qalasynda tańǵy saǵat 5-ten bastap qar jaýa bastady, ol 1 aqpanǵa qaraǵan túnge deıin jalǵasady. «Qazgıdromet» RMK boljaýynsha jaýyn-shashyn mólsheri 8-9 mm-ge deıin jetýi múmkin, dep habarlaıdy aqshamnews.kz
Kóktaıǵaqtyń aldyn alý jáne jol qaýipsizdigin qamtamasyz etý maqsatynda qar jaýar aldynda joldar 180 m³ suıyq reagentpen óńdeldi. Jolǵa qum-tuz qospasyn sebýge 152 arnaıy tehnıka jumyldyryldy, saǵat 17:00-degi jaǵdaı boıynsha 1250 tonna kóktaıǵaqqa qarsy materıal paıdalanyldy.
Qardyń jınalyp qalýyn tezdetip joıý úshin qaýipti jol ýchaskelerinde, túsý jáne kóterilý aımaqtarynda, jolaıryqtardyń burylys bólikterinde 46 jedel brıgada kúsheıtilgen rejımde jumys isteýde. Olar táýlik boıy kezekshilik etýde.
Kúndizgi ýaqytta qar tazalaý jumystaryna 455 birlik arnaıy tehnıka jáne 1060 jol jumysshysy tartyldy. Sondaı-aq, jaıaý júrginshiler joldaryn, qoǵamdyq oryndardy, qoǵamdyq kólik aıaldamalaryn jáne jerústi ótkelderin mehanıkalandyrylǵan tazalaý úshin 95 birlik shaǵyn kólemdi tehnıka qoldanylady.
Qalanyń barlyq aýdan ákimdikterinde qar kúreý jumystaryn baqylaý úshin táýlik boıy kezekshilik uıymdastyryldy.
«Qazgıdromet» málimetinshe, búgin qar keıde ortasha qarqynmen jaýyp, keshki 20:00-ge deıin 5-6 mm-ge deıin jetýi múmkin. Qar 31 qańtar kúni taǵy jaýyp, taǵy 3 mm qosymsha jaýyn-shashyn túsýi yqtımal.
30 qańtar kúni aýa temperatýrasy shamamen 0°S bolady. 31 qańtarǵa qaraǵan túni temperatýra -6…-8°S-qa deıin tómendep, kúndiz -2…-4°S aralyǵynda saqtalady.
Almaty qalasynyń Komýnaldyq ınfraqurylymdy damytý basqarmasy qala turǵyndary men qonaqtaryn jolda muqıat bolýǵa, jol qozǵalysy erejelerin saqtaýǵa jáne jol júrý kezinde aýa raıyn eskerýge shaqyrady.