Almatyda polısıa qyzmetkerleri esirtki jarnamasyn taratqan jigitterdi ustady.
Abylaı han dańǵylynyń boıynda Almaty patrúldik polısıasynyń qyzmetkerleri baǵanalar men qurylys nysandaryna paraqshalar japsyryp júrgen eki er adamdy baıqady. “Býran-057” ekıpajy kúdikti adamdardy tekserdi, dep habarlaıdy aqshamnews.kz.
Olardyń qolynda “jyldam ári joǵary aqy tólenetin” jumys týraly jarnamalyq paraqshalar bolǵan. Shyn máninde, bul usynystar qylmystyq sıpatta: jumys berýshiler dep atalatyndar múddeli adamdarǵa esirtki kýreri bolýdy usynady. Jedel tergeý toby paraqshalar men basqa da aıǵaq zattardy tárkiledi. Qazirgi ýaqytta bul derek boıynsha Almaly aýdandyq polısıa basqarmasy tergeý júrgizip jatyr.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.