Bul jaz mezgiline oraı túrli tosap, tátti shyryn ázirleýmen baılanysty.
Mundaı boljamdy qalalyq kásipkerlik jáne ınvestısıalar basqarmasynyń mamandary jasap otyr, dep habarlaıdy Almaty-akshamy.kz
Sondyqtan qalaǵa jetkiziletin qant mólsheri kóbeıtildi.
Buǵan deıin megapolıske kúnine 250 tonna qant jiberiletin. Qazir iri saýda oryndarynda qumsheker kelisi 445 teńgeden satylýda. Odan bólek bir qolǵa 5 keliden artyq berilmeıdi. Mamandardyń aıtýynsha, búginde qoımalarǵa 5 myń tonna qant jetkizilip jatyr. Qyrkúıek aıynda Aqsý qant zaýytynyń ashylýy josparlanǵan. Óndiris iske qosylsa, Almatyǵa 10 myń tonna qant jetkizilmek.
"Bul qoımaǵa kúnine 300-den 500 tonnaǵa deıin qant jetkizilip turady. Aıyna 5 myń tonna jóneltemiz. Munyń syrtynda óndirýshilerdiń tikeleı satyp alýshylarǵa jetkizýi bar. Qazir Almaty qalasyna qant der kezinde tasymaldanyp jatyr", - deıdi Almaty qalalyq kásipkerlik jáne ınvestısıalar basqarmasy basshysynyń orynbasary Erlan Omarov.