Qańtar oqıǵasynda qarý-jaraq dúkenderinen urlanǵan 13 qarý Almatydaǵy úsh arnaıy is-shara kezinde tárkilendi, dep habarlaıdy Almaty-akshamy.kz Inform.kz-ke silteme jasap.
Almaty qalalyq polısıa departamentiniń málimetinshe, arnaıy sharany QR İİM krımınaldyq polısıa departamenti ókiliniń basshylyǵymen krımınaldyq polısıa basqarmasynyń arnaıy tobynyń qyzmetkerleri júrgizgen.
Polısıanyń arnaıy jasaqtary osy jyldyń qańtar aıynda qarý-jaraq dúkenderin tonaýǵa qatysqan alty kúdiktini ustady.
«Kúdiktiler qarýdyń bir bóligin satyp úlgergen, ekinshi bóligin jasyryp qoıǵan. Qarýdy tyǵyp ketken oryn tabyldy. Olardy qalanyń ártúrli bólikterindegi qańyrap bos jatqan jerlerge jasyrǵan. Qoımalardan optıkalyq kózdeýishter jáne basqa da ańshylyq quraldar tabyldy. Qylmystyq isti Almaty qalalyq PD tergeý basqarmasy tirkedi»,- dep habarlady polısıadan.
Tárkilengen qarýǵa saraptama taǵaıyndaldy.
Sýret: Inform.kz