Qarý-jaraq dúkenderin tonaǵan alty kúdikti ustaldy.
Almaty polısıasy qańtardaǵy tártipsizdikter kezinde urlanǵan qarýdyń bir bóligin tapty, - dep habarlaıdy Almaty-akshamy.kz
«Qazannyń aıaǵynda Almatyda polısıa qyzmetkerleri qańtar oqıǵasy kezinde qarý-jaraq dúkenderin tonaýǵa qatysqan alty kúdiktini anyqtap, ustady. Olar qarýdyń bir bóligin satyp, al qalǵan bóligin jasyryp úlgergen», - dedi İshki ister mınıstrligi Tergeý departamentiniń basshysy Sanjar Ádilov Ortalyq komýnıkasıalar qyzmetinde ótken brıfıńte.
Ol qoıma qalanyń ár túkpirindegi qańyrap bos qalǵan jerlerde anyqtalǵanyn túsindirdi. Qarý-jaraqpen qatar, optıkalyq nysana jáne basqa da ań aýlaý quraldary tabylǵan.
«3 qarashada Almatyda Rysqulov dańǵyly men Ońǵarsynova kóshesiniń qıylysynda qańtar oqıǵasy kezinde urlanǵan 12 kalıbrli «Baıkal» ańshy myltyǵy, «Kalashnıkov» avtomaty, oǵan arnalǵan oq-dári, kesilgen sholaq myltyq, granata, pnevmatıkalyq tapansha, bronjılet, rezeńke taıaq, sondaı-aq ártúrli kalıbrli 58 patron bar sómke tabyldy», - dedi Ádilov.