25 qatysýshynyń 1-eýi qaıtys bolǵandyqtan, qylmystyq jaýapkershilikten bosatyldy.
Bostandyq aýdanynyń №2 sotynda qańtar oqıǵasyna qatysqan 25 azamatqa qatysty qylmystyq is qaraldy, dep habarlaıdy Almaty-akshamy.kz
“2022 jylǵy 4-5 qańtar aralyǵynda Almaty qalasynyń túrli bólikterinde 25 sottalýshy jappaı tártipsizdikterge qatysyp, asa iri mólsherde urlyq jasady, turǵyn úı, qyzmettik jáne óndiristik úı-jaılarǵa zańsyz kirip, iri zalal keltire otyryp, kólik quraldaryn aıdap áketti, qaýipti óndiristik nysannyń aýmaǵyna, sondaı-aq arnaıy organdar kúzetetin basqa da nysandarǵa zańsyz kirdi, bul eleýli zalalyn tıgizip, basqa da aýyr zardaptarǵa ákep soqty. Sondaı-aq, olar aldyn ala sóz baılasý arqyly ózderiniń oq-dárilerin, atys qarýlaryn urlap áketken, tótenshe jaǵdaı jarıalanǵan jerde jappaı tártipsizdikter kezinde adamdar toby aldyn ala sóz baılasyp, bılik ókilderiniń densaýlyǵyna zalalyn tıgizip, olardyń múlkin búldirgeni jáne joıǵany anyqtaldy”, – delingen sot habarlamasynda.
Sot sheshimi boıynsha 20 azamatqa "Raqymshylyq jasaý týraly" zań qoldanylyp, 9 aıdan 1 jyl 9 aıǵa deıingi merzimge shartty jaza taǵaıyndaldy.
Sondaı-aq "Raqymshylyq týraly" zań qoldanylǵan taǵy tórt tulǵa jazadan bosatyldy.
Aıta keteıik, 2023 jyldyń 24 sáýirinde sot UQK eks-basshysy Másimovti memleketke opasyzdyq jasaǵany, bılikti basyp alýdy nasıhattaǵany jáne laýazymdyq ókilettikterin asyra paıdalanǵany úshin kináli dep tapty. Ol 18 jylǵa bas bostandyǵynan aıyryldy, múlki tárkilendi jáne ómir boıy memlekettik qyzmette qyzmet etý quqyǵynan aıyryldy.