Almatyda ótip jatqan «Eýropalyq Odaq – Ortalyq Azıa» ekinshi ekonomıkalyq forýmy aıasynda Premer-Mınıstr Álıhan Smaıylov Eýropalyq qaıta qurý jáne damý bankiniń prezıdenti Odıl Reno-Basso jáne Eýropalyq ınvestısıalyq banktiń vıse-prezıdenti Tereza Chervınskaıamen kezdesýler ótkizdi, dep habarlaıdy Almaty-akshamy.kz.
EQDB basshysymen kelissózder barysynda QR-daǵy iri ınvestısıalyq jobalardy iske asyrý, sonyń ishinde avtojoldardy rekonstrýksıalaý, káriz-tazartý qurylystary men energetıkalyq qýattardy jańǵyrtý máseleleri talqylandy.
Álıhan Smaıylov Qazaqstan Bankpen ózara is-qımyldyń strategıalyq sıpatyn jáne onyń respýblıkanyń damýyna qosqan úlesin joǵary baǵalaıtynyn atap ótti.
«Qazirgi ýaqytta biz ekonomıkalyq máselelerdiń keń aýqymyn qamtıtyn tyǵyz baılanystar ornattyq jáne ony odan ári damytýdy kózdep otyrmyz. Qazaqstan men EQDB arasyndaǵy yntymaqtastyqty sapaly jańa deńgeıge shyǵarýǵa bolatynyna senimdimin», — dedi Premer-Mınıstr.
Máselen, jaqyn kúnderi EQDB Basqarýshylar keńesiniń jyl saıynǵy otyrysy ótip, onyń sheńberinde Qazaqstanǵa jeke ınvestısıalyq sesıa arnaldy. Álıhan Smaıylov bul sharanyń Qazaqstan men sheteldik seriktester arasyndaǵy ınvestısıalyq yntymaqtastyqqa jańa serpin beretinine senim bildirdi.
«Qazaqstan Úkimeti EQDB-men ekijaqty máselelerdiń keń aýqymy boıynsha áriptestikti tereńdetýge daıyn ekenin rastaıdy», — dep atap ótti ol.
Óz kezeginde Odıl Reno-Basso EQDB Qazaqstandaǵy jobalarǵa belsendi atsalysyp jatqanyn atap ótti.
«Biz yntymaqtastyǵymyzdy odan ári jalǵastyratynymyzǵa qýanyshtymyz. «Jasyl» energetıkany, jeke sektordy jáne ınfraqurylymdy damytý jobalary bizdiń basymdyqtarymyz bolyp qala beredi. Sonymen qatar biz eldiń bank sektoryn damytýǵa ári qaraı óz úlesimizdi qosatyn bolamyz», — dedi Odıl Reno-Basso.
Tereza Chervınskaıamen kezdesýde kólik-logıstıka salasyndaǵy jáne agroónerkásiptik keshendegi yntymaqtastyq, atap aıtqanda, ınvestısıalyq jáne tehnologıalyq jobalardy júzege asyrý máseleleri talqylandy.
Premer-mınıstr Qazaqstan Eýropalyq ınvestısıalyq banktiń bizdiń elmen yntymaqtastyqty keńeıtý nıetin joǵary baǵalaıtynyn atap ótti. Osyǵan baılanysty Qazaqstanda EIB keńsesiniń ashylýy ınvestısıalyq portfeldi jáne Banktiń óńirdegi qyzmetin aıtarlyqtaı damytýǵa múmkindik beredi.
«Qazaqstan Úkimeti EIB-pen ózara múddeli máselelerdiń keń aýqymy boıynsha áriptestikti tereńdetýge daıyn ekenin bildiredi. Eń basym baǵyttardyń biri – «jasyl» ekonomıkany damytýdy yntalandyrý», — dedi Álıhan Smaıylov.
Ol sondaı-aq EIB-ti «jasyl» qarjylandyrý jáne ınovasıalarmen almasý turǵysynan Astana halyqaralyq qarjy ortalyǵymen tyǵyz yntymaqtastyq ornatý múmkindigin qarastyrýǵa shaqyrdy. Óz kezeginde Tereza Chervınskaıa Qazaqstandy ekonomıkalyq kooperasıa salasynda jaqsy seriktes retinde tanıtynyn atap ótti.
«Biz bul óńirde uzaq ýaqyt jumys istep kelemiz jáne «jasyl» ekonomıka baǵytyndaǵy yntymaqtastyqty odan ári tereńdetýdi josparlap otyrmyz. Bul «jasyl» energıany óndirý men tasymaldaýǵa, ártúrli nysandar men kólik salasynyń energıa tıimdiligin arttyrýǵa qatysty. Bul tıisti ınfraqurylym qalyptastyrýdy jáne damytýdy qajet etedi. Biz sondaı-aq orta kásiporyndarmen tyǵyz jumys isteýge daıynbyz», — dedi Tereza Chervınskaıa.