Áleýmettik mańyzy bar azyq-túlik taýarlarynyń baǵasyn tejeý úshin aldyn alý sharalary qabyldanýda.
Bul týraly Almaty qalasynyń ákimi E.Dosaev OKQ-da ótken Almaty qalasynyń áleýmettik ekonomıkalyq damýynyń 5 aıdaǵy negizgi qorytyndylary týraly sóılegen sózinde aıtty dep habarlaıdy Almaty-akshamy.kz.
1) «Aınalym sqemasy» boıynsha qarjylandyrý
4 mlrd. teńgege ulǵaıtyldy (11 mlrd. teńgeden 15 mlrd. teńgege deıin).
2) Bekitilgen baǵamen satý úshin 6,5 myń tonna qant satyp alyndy (Magnum, Small, Toimart-ta 480 teńge).
3) Basqa óńirlerden (Túrkistan, Almaty), sondaı-aq jaqyn (Ózbekstan, Tájikstan, Qyrǵyzstan) jáne alys shetelden (Iran, Pákistan) kókónis pen jemisti tikeleı jetkizý uıymdastyryldy.
4) Nan baǵasyn turaqtandyrý úshin Azyq-túlik korporasıasynyń qorlarynan astyq jetkizilýde (32 myń tonna).
Qant baǵasynyń ósý yqtımaldylyǵy, bakaleıa ónimderi qorlarynyń azaıý, Reseıge kókónis ónimderin jappaı eksporttaý táýekelderine baılanysty iri saýda jelilerine qant ákelýge jekelegen kvotalar bólý jáne bakaleıa men kókónis ónimderiniń eksportyn shekteý máseleleri pysyqtalyp jatyr.
Anyqtama úshin: Konservileý jáne tosap daıyndaý maýsymyna baılanysty sońǵy aptada halyqtyń qantqa suranysy táýligine 110-nan 200 tonnaǵa deıin ósti. Jyl basynan beri Azyq-túlik korporasıasy barlyǵy 136 tonna bóldi.
Reseıde bakaleıa men kókónis ónimderiniń baǵasy Qazaqstanǵa qaraǵanda 40-80%-ke joǵary.
Almatyda baǵanyń joǵary ósý qarqyny saqtalýda. Jyl basynan beri 6 aıynyń qorytyndysy boıynsha ınflásıa 10,3%-ti qurady (QR – 10,5%).
Inflásıaǵa negizgi úles birinshi kezekte azyq-túlik baǵasynyń ósýi esebinen qalyptasty, ol 16,4%-ti qurady (jyldyq esepteýde - 19,5%).
Eń kóp óskeni qant (2 ese, 560 teńgege deıin), pıaz (+90,2%,
156 teńgege deıin), nan (+18,3%, 95 teńgege deıin), sút (+18%, 328 teńgege deıin) baǵasy. Olardyń tutyný baǵasynyń ındeksindegi úlesi
2,2 prosenttik tarmaqty qurady.
Degenmen, jumyrtqa baǵasynyń tómendeýi (0,4%-ke,
460 teńgege deıin) jáne sıyr eti (0,9%-ke, 2 350 teńgege deıin), sary maı (5,6%-ke, 3 400 teńgege deıin), tuz baǵasynyń (6,5%-ke,
66 teńgege deıin) shamaly ósýi baıqalady.
Jetkizý tizbeginiń buzylýy jáne teńge baǵamynyń turaqsyzdyǵyna baılanysty áli de joǵary ınflásıalyq kútimder saqtalýda.