Almaty qalasynyń ákimi E.A. Dosaev OKQ-da ótip jatqan brıfıńke qatysýda.
Onda shahar basshysy aǵymdaǵy jyldyń basynan bastap Almaty qalasynyń áleýmettik-ekonomıkalyq damýy jaıly tanystyryp ótti, dep habarlaıdy Almaty-akshamy.kz
"Eń aldymen, elimizdegi asa mańyzdy saıası oqıǵa -Almaty qalasy boıynsha referendýmnyń nátıjeleri týraly aıtyp ótýge ruqsat etińizder.
Almatylyqtardyń kópshiligi Memleket basshysynyń bastamasyn qoldady. Konstıtýsıaǵa ózgerister engizýdi halyqtyń 65,22%-ti qoldap, 32,99% daýys berýge keldi (búlingen búletenderdi eseptemegende 33,3%)" - dedi qala ákimi Erbolat Dosaev.
Almatylyqtar «Jańa Qazaqstandy» qurý baǵytyn qoldaıtynyn kórsetti.
"Almaty qalasynyń ákimdigi Memleket basshysynyń tapsyrmalaryn belsendi iske asyrýda.
Qala ekonomıkasynyń turaqty ósýi qamtamasyz etildi. Aǵymdaǵy jyldyń 5 aıynyń qorytyndysy boıynsha qysqa merzimdi ekonomıkalyq ındıkator 107,6%-ke deıin ósti", - deıdi qala basshysy.
Osy jyldyń basynan beri 16,3 myń jumys orny quryldy. 3,3 myń oryndyq 54 balabaqsha ashyldy, 45 km ınjenerlik jeli salyndy. Gazben júretin 300 avtobýs satyp alyndy, 145 myń aǵash otyrǵyzyldy.
Bıylǵy jyldyń qyrkúıek aıyna deıin Almaty aglomerasıasyn damytýdyń keshendi jospary ázirlenedi. Bul josparda megapolıs pen Almaty oblysy sınergıasynyń jobalary aıqyndalatyn bolady.