Almatyda jasyl jelek kóbeıedi jáne bul jaı «jasyl araldar» ǵana emes, naǵyz jasyl alańdar men saıabaqtar bolady. Bul týraly Óńirlik komýnıkasıalar qyzmetiniń baspasóz konferensıasy barysynda qalalyq Jasyl ekonomıka basqarmasynyń basshysy Natalá Lıvınskaıa málimdedi dep habarlaıdy almaty-akshamy.kz
Aǵash otyrǵyzý «Jasyl Almaty» baǵdarlamasy aıasynda júrgizilýde. Natalá Lıvınskaıa atap ótkendeı, aýqymdy abattandyrý jumystarymen qatar, kógaldandyrý saıasatynyń ózi túbegeıli ózgerdi.
«Biz baqylaýsyz otyrǵyzýdan aǵash kútimine, jasyl qordy saýyqtyrýǵa jáne bıoártúrlilikti saqtaýǵa kóshtik. Almatynyń jasyl jelekterin sýlandyrý úshin jańa skvajınalar salyndy, sýarmaly aryq torabyna ınventarızasıa júrgizildi, sýarý jumystary kúsheıtildi», - dedi Jasyl ekonomıka basqarmasynyń basshysy.
Natalá Lıvınskaıa qalada otyrǵyzylǵan aǵashtardyń aýqymy klımat pen topyraq quramyna baılanysty ǵylymı qaýymdastyqpen, landshaft mamandarymen birge irikteletinin basa aıtty.
Basqarma mamandarynyń málimetinshe, Almatyda 2,6 mıllıon aǵash bar, onyń 23 paıyzy álsiregen kúıde.
Natalá Lıvınskaıa «Jasyl Almaty» baǵdarlamasynyń oryndalýy týraly egjeı-tegjeıli aıtyp berdi, mundaǵy maqsat – jasyo jelekti qalpyna keltirý ǵana emes, qalanyń jasyl qoryn damytý.
«Baǵdarlamanyń arqasynda qalada 480 myńnan astam aǵash otyrǵyzyldy. Bıyl 350 myń aǵash otyrǵyzý bastaldy, kóktemde 64 myń aǵash otyrǵyzyldy. Negizgi otyrǵyzý osy kúzde júrgiziletin bolady, sebebi bul maýsym otyrǵyzýdyń tirshiligi úshin eń qolaıly bolyp tabylady», - dedi basqarma basshysy.
Bul rette jasyl jelekterdiń tizilimi qalyptasty, onda ár aǵashtyń elektrondy pasporty bar. Reestr jasyl qordyń sapalyq jáne sandyq jaǵdaıynyń esebin júrgizýge múmkindik beredi. Júıe sonymen qatar otyrǵyzý alańdaryn, onyń ishinde ótemaqyny baqylaýǵa múmkindik beredi. Júıe barlyǵyna 2021 jyldyń qyrkúıeginen bastap basshylyqtyń resmı saıtynda qoljetimdi bolady.
Sonymen qatar, aǵashtardy saýyqtandyrý men emdeý jumystary, zınákester men zeńge qarsy tórt ret bıologıalyq óńdeý qatar júrgizilýde.