Ekoposttar arnaıy qondyrǵylarmen - gaz analızatorlary men tútin ólsheýishpen jabdyqtalǵan.
Bul týraly Óńirlik komýnıkasıalar qyzmetiniń baspasóz konferensıasynda Almaty qalasynyń Jasyl ekonomıka basqarmasynyń basshysy Natalá Lıvınskaıa málimdedi dep habarlaıdy Almaty-akshamy.kz
Natalá Lıvınskaıa atap ótkendeı, megapolıstegi aýany negizgi lastaýshy - avtokólik, stasıonarlyq kózder jáne jeke sektor.
Onyń aıtýynsha, zalaldy shyǵyndar 128 myńnan 70 myń tonnaǵa deıin tómendegen. Al jeke sektordan 16 myńnan 1 myń tonnaǵa deıin.
Sonymen birge stasıonarlyq kózderden shyǵaryndylardyń shamaly ósýi baıqalady, bul kórsetkishter JEO-2 jumysymen baılanysty.
«Atmosferadaǵy zalaldy zattardy azaıtý úshin, eń kólikti, qoǵamdyq kólikti ekologıalyq taza janarmaılarǵa kóshirý boıynsha júıeli jumystar júrgizilýde. Barlyq qalalyq avtobýstardy gaz ben elektr energıasyna kóshirý jumystary bastaldy. Mysaly, 2020 jyly gazben júretin 150 avtobýs satyp alyndy. Al bıyl gaz ben elektr energıasyn paıdalanatyn qoǵamdyq kólikterdiń 500-ge jýyq birligin satyp alý josparlanyp otyr», - dedi Jasyl ekonomıka basqarmasynyń basshysy.
Onyń ústine, Natalá Lıvınskaıanyń aıtýynsha, Almatyda tirkelgen kólikterdiń jalpy sanynan avtobýstardyń úlesi 1 paıyzǵa da jetpeıdi. Sondyqtan, onyń pikirinshe, jeke kólikterdi júıeli túrde jańartyp, kólikteri aqaýly jáne qorshaǵan ortaǵa zıandy avtokólik ıelerine shara qoldaný qajet.
«Almatyda qalanyń kireberisterine 19 ekologıalyq post ornatý boıynsha jumys júrgizilýde. Búgingide 9 ekologıalyq post quryldy, qalǵan 10 post osy jyldyń kúzine deıin birtindep ornatylady», - dedi Natalá Lıvınskaıa.
Aıta keterligi, kóktemde qala boıynsha qozǵalatyn júk vagondarynyń ólshemderi alyndy. Tekserý nátıjeleri kórsetkendeı, qalalyqtardyń 11%-y jáne qalaǵa kiretin kólikterdiń 12,6%-y ekologıalyq normalardy saqtamaıdy.
Sonymen qatar, Jasyl ekonomıka basqarmasy lastaýshy avtokólikterdi qala boıynsha qozǵalys kezinde anyqtaıtyn úsh mobıldi posty jáne zerthana satyp alýdy josparlap otyr. Qazirgi ýaqytta konkýrstyq prosedýralar júrip jatyr, jetkizý osy jyldyń sońyna josparlanǵan.
Tehnıkalyq retteý jáne metrologıa departamenti qalada satylatyn otynnyń sapasyn baqylaý jumystaryn bastady. Sondaı-aq, avtokólikterdi tehnıkalyq baıqaýdan ótý tártibin qatańdatý boıynsha sharalar qabyldanýda.